ఉత్తరాఖండ్‌లోని కొండ ప్రాంతాల్లో మరోసారి ఘోర రోడ్డు ప్రమాదం చోటుచేసుకుంది. టెహ్రీ గర్వాల్ జిల్లాలోని చంబా-కోటీ రహదారిపై ప్రయాణిస్తున్న ఒక వాహనం అదుపుతప్పి 300 మీటర్ల లోతైన లోయలోకి దూసుకెళ్లింది. ఈ భీకర ప్రమాదంలో ఎనిమిది మంది అక్కడికక్కడే ప్రాణాలు కోల్పోగా, మరికొందరు తీవ్రంగా గాయపడ్డారు. కొండల మధ్య ఉండే ఈ రహదారిపై మలుపు వద్ద వాహనం అదుపు తప్పడమే ప్రమాదానికి కారణమని ప్రాథమికంగా భావిస్తున్నారు. క్షతగాత్రులలో కొందరి పరిస్థితి విషమంగా ఉన్నట్లు సమాచారం.