రష్యా ప్రపంచాన్ని మరోసారి ఉలిక్కిపడేలా చేసింది. అధ్యక్షుడు వ్లాదిమిర్ పుతిన్ ప్రకటించిన ప్రకారం, రష్యా సైన్యం తాజాగా ‘బూరెవెస్ట్‌నిక్‌’ (Burevestnik) అనే సరికొత్త అణు శక్తితో నడిచే క్షిపణిని విజయవంతంగా పరీక్షించింది. ఈ క్షిపణి సుదీర్ఘ దూరాలపై దాడి చేసే సామర్థ్యం కలిగి ఉందని, అణు ఇంధనంతో నడుస్తుందని రష్యా వెల్లడించింది. ఈ క్షిపణి 15 గంటలపాటు గాల్లోనే ఉండి, దాదాపు 14,000 కిలోమీటర్ల దూరం ప్రయాణించింది. ఈ ప్రదర్శన అమెరికా మరియు నాటో దేశాలకు స్పష్టమైన హెచ్చరికగా భావిస్తున్నారు.