ఇటలీలోని మిసానోలో జరుగుతున్న GT4 యూరోపియన్ సిరీస్‌లో పాల్గొంటున్న సమయంలో, రేస్ 2లో అజిత్ కారుకు ప్రమాదం జరిగింది. రేసింగ్ ట్రాక్ మధ్యలో ఆగి ఉన్న ఓ వాహనాన్ని అజిత్ డ్రైవ్ చేస్తున్న కారు ఢీకొంది. ఈ సంఘటనలో అతనికి ఎలాంటి గాయాలు కాకపోవడం ఒక ఊరట కలిగించిన విషయం. ప్రమాదం తర్వాత జాగ్రత్తగా వ్యవహరించిన అజిత్‌ ఎలాంటి ఉద్వేగం చూపకుండా రేసింగ్ నుంచి వైదొలిగారు. ప్రొఫెషనల్ వైఖరిని చూపించిన ఆయనపై రేసింగ్ కమ్యూనిటీ హర్షం వ్యక్తం చేసింది.