శ్వాస సంబంధిత సమస్యతో బాధపడుతున్న కరీంనగర్ కలెక్టర్ పమేలా సత్పతి స్థానిక గవర్నమెంట్ హాస్పిటల్లో సర్జరీ చేయించుకున్నారు. కరీంనగర్ ప్రభుత్వ ఆసుపత్రిలో ఈఎన్టీ సర్జన్ ఎల్. రవికాంత్ ఆధ్వర్యంలో, కలెక్టర్‌కి ఎండోస్కోపీ నాజల్ సర్జరీ, సెప్టోప్లాస్టీ సర్జరీ చేసినట్లు మెడికల్ సూపరింటెండెంట్ జి. వీరారెడ్డి వెల్లడించారు. “సర్కార్ దవాఖానలో నాణ్యమైన వైద్య సేవలు అందుతున్నాయన్న నమ్మకాన్ని ప్రజలకు కలిగించిన కలెక్టర్ పమేలా సత్పతికి నా అభినందనలు” అని ఎక్స్ వేదికగా సీఎం రేవంత్ రెడ్డి ప్రశంసించారు.
