భారత సంతతికి చెందిన వ్యోమగామి శుభాన్షు శుక్లా అంతరిక్ష యాత్ర మళ్లీ వాయిదా పడింది. ఇప్పటికే రెండుసార్లు వాయిదా పడి ప్రయాణం ఆలస్యం కాగా.. స్పేస్ ఎక్స్ యాక్సియమ్ మిషన్ 4 (యాక్స్-4) అంతరిక్ష యాత్ర తాజాగా జూన్ 22వ తేదీకి రీషెడ్యూల్ చేసినట్లు సంబంధిత వర్గాలు వెల్లడించాయి. అయితే ఈ జాప్యానికి అంతర్జాతీయ అంతరిక్ష కేంద్రం (ISS)లో జరుగుతున్న మరమ్మత్తు పనులను పర్యవేక్షించడం కోసం నాసాకు అదనపు సమయం అవసరం కావడమే ప్రధాన కారణమని తెలుస్తోంది.
