సూర్యాపేట జిల్లా కోదాడలోని కిట్స్ (KITS) ఇంజినీరింగ్ కళాశాలలో ఒక బీటెక్ విద్యార్థిని ఆత్మహత్యాయత్నానికి పాల్పడటం స్థానికంగా తీవ్ర కలకలం రేపింది. కళాశాల భవనంపై నుండి ఆమె ఒక్కసారిగా కిందికి దూకేయడంతో తోటి విద్యార్థులు మరియు అధ్యాపకులు దిగ్భ్రాంతికి గురయ్యారు. ఈ ఘటన జరిగిన వెంటనే కళాశాల ప్రాంగణంలో భయాందోళనలు నెలకొన్నాయి. సదరు విద్యార్థిని ఎవరితోనో ఫోన్ మాట్లాడుతూ భవనం పైకి వెళ్లినట్లు తెలుస్తోంది. ఫోన్ సంభాషణ జరుగుతుండగానే ఆమె అకస్మాత్తుగా బిల్డింగ్‌పై నుండి కిందకు దూకేసింది.