తైవాన్‌లో 7.0 తీవ్రతతో భయంకరమైన భూకంపం సంభవించింది. తైపీలోని భారీ భవంతులు ఒక్కసారిగా కంపించాయి. తైవాన్ వాతావరణ సంస్థ భూకంపం సంభవించినట్లు ధృవీకరించింది. సెంట్రల్ వెదర్ ఏజెన్సీ ప్రకారం, శనివారం రాత్రి 11:05 గంటలకు తైవాన్ ఈశాన్య తీర నగరమైన యిలాన్‌లో భూకంపం సంభవించింది. ఫైర్ ఏజెన్సీ దీని గురించి X (ట్విట్టర్)లో సమాచారం ఇచ్చింది. ప్రజలకు ముందుగా తమను తాము రక్షించుకోవాలని సూచించింది. ప్రమాదకరమైన వస్తువులకు దూరంగా ఉండాలని చెప్పింది.