నంద్యాల జిల్లా నందికొట్కూరు నియోజకవర్గంలోని పగిడ్యాల మండలంలో ఈ కొణిదెల అనే గ్రామం ఉంది ఏపీ డిప్యూటీ సీఎం పవన్ కల్యాణ్‌ గత అసెంబ్లీ ఎన్నికల సమయంలో ఆ గ్రామాన్ని దత్తత తీసుకొని అభివృద్ధి చేస్తానని గ్రామస్తులకు హామీ ఇచ్చారు. మంగళవారం నంద్యాల జిల్లా కలెక్టరేట్‌లో జరిగిన ఓ కార్యక్రమంలో పాల్గొన్న ఆయన కొణిదెల గ్రామ అభివృద్ధికి రూ.50లక్షల చెక్కును అందజేసి తాను ఎన్నికల సమయంలో ఇచ్చిన మాటను నిలబెట్టుకున్నారు.