కేటీఆర్ పుట్టినరోజు వేడుకలు ఒక మంచి పనికి వేదికయ్యాయి. మాజీ ఎంపీ సంతోష్ కుమార్ ‘గిఫ్ట్ ఏ స్మైల్’ ద్వారా విద్యార్థులకు సహాయం చేశారు. బోయిగూడలోని సెయింట్ ఫిలోమెనాస్ పాఠశాలలో జరిగిన ఈ కార్యక్రమంలో.. విద్యార్థుల సౌకర్యార్థం 100 బెంచీలను అందించారు. అంతేకాకుండా.. ఆరో తరగతి నుంచి పదో తరగతి వరకు చదువులో తొలి రెండు స్థానాల్లో ప్రతిభ కనబరిచిన విద్యార్థినీ విద్యార్థులకు 20 సైకిళ్లను బహుకరించారు.
