హిందీ భాషా వికాసానికి ఉద్దేశించిన కాషాయ విధానంగా జాతీయ విద్యా విధానాన్ని(ఎన్‌ఈపీ) తమిళనాడు సీఎం ఎంకే స్టాలిన్‌ అభివర్ణించారు. ప్రతిపాదిత నియోజకవర్గాల పునర్విభజన ప్రక్రియ ద్వారా ఉత్తరాది రాష్ర్టాలలో గెలుపొంది తన అధికారాన్ని నిలబెట్టుకునేందుకు బీజేపీ ప్రయత్నిస్తోందని ఆయన ఆరోపించారు. ఈ ప్రయత్నాలను డీఎంకే అడ్డుకుంటుందని ఆయన హెచ్చరించారు. తమిళనాడు విద్యా ప్రగతిని పూర్తిగా నాశనం చేసే ఎన్‌ఈపీని తాము వ్యతిరేకిస్తామని అన్నారు.
