భారత స్టార్ బ్యాటర్ విరాట్ కోహ్లీ అరుదైన ఘనత సాధించాడు. నాలుగేళ్ల తర్వాత ఐసీసీ వన్డే బ్యాటర్ల జాబితాలో అగ్రస్థానంలో నిలిచాడు. తన కెరీర్‌లో మరోసారి నెంబర్ 1 ర్యాంక్ ను కైవసం చేసుకున్నాడు. ఇటీవల వన్డే మ్యాచుల్లో వరుసగా ఐదు 50+ స్కోర్లు సాధించాడు. దీంతో వన్డే ర్యాంకింగ్స్ పట్టికలో కోహ్లీ తన సహచర ఆటగాడు రోహిత్ శర్మను వెనక్కి నెట్టి.. అగ్రస్థానానికి చేరుకున్నాడు. కోహ్లీ ర్యాంకింగ్స్ పట్టికలో అగ్రస్థానానికి చేరుకోవడం ఇది 11వ సారి. […]

భారత మాజీ కెప్టెన్ విరాట్ కోహ్లీ అంతర్జాతీయ క్రికెట్‌లో 28,000 పరుగులు పూర్తి చేశాడు. ప్రపంచంలో ఈ ఘనత సాధించిన మూడో బ్యాట్స్‌మెన్‌గా నిలిచాడు. వడోదరలో జరిగిన భారత్- న్యూజిలాండ్ మొదటి వన్డే మ్యాచ్‌లో 25 పరుగులు చేయడంతో కోహ్లీ చరిత్ర సృష్టించాడు. అత్యంత వేగంగా 28 వేల అంతర్జాతీయ పరుగులు చేసిన బ్యాటర్‌గా నిలిచాడు. ఈ విషయంలో క్రికెట్ గాడ్ సచిన్ టెండూల్కర్‌ను అధిగమించాడు.. విరాట్ కోహ్లీ, సచిన్‌ కంటే 20 ఇన్నింగ్స్‌లు తక్కువ సమయంలోనే […]

2026 నూతన సంవత్సరాన్ని టీమిండియా విజయంతో ఘనంగా ప్రారంభించింది. బరోడా క్రికెట్ స్టేడియంలో న్యూజిలాండ్‌తో జరిగిన మూడు వన్డేల సిరీస్‌లోని మొదటి మ్యాచ్‌లో భారత్ 4 వికెట్ల తేడాతో ఉత్కంఠభరిత విజయాన్ని నమోదు చేసింది. 301 పరుగుల భారీ లక్ష్యంతో బరిలోకి దిగిన భారత జట్టు, ఆరంభంలో తడబడినప్పటికీ, సీనియర్ బ్యాటర్ల అనుభవం, యువ ఆటగాళ్ళ పోరాట పటిమతో విజయాన్ని సొంతం చేసుకుంది. ఈ విజయంతో భారత్ సిరీస్‌లో 1-0 ఆధిక్యాన్ని సంపాదించింది.

భారత క్రికెట్ దిగ్గజాలు రోహిత్ శర్మ, విరాట్ కోహ్లీ లకు వడోదరలో వినూత్న సన్మానం జరిగింది.సరికొత్తగా ఆలోచించిన బరోడా క్రికెట్ అసోసియేషన్ ‘రో-కో’ను ‘ఔట్ ఆఫ్ ది బాక్స్‌’ స్వాగతంతో ఆశ్చర్యపరిచింది. ఇద్దరూ బాక్స్ లోంచి బయటకు వచ్చి.. పూలగుత్తులను స్వీకరించారు.అనంతరం తమ నిలువెత్తు ఫొటోగ్రాఫ్‌ మీద విరాట్, హిట్‌మ్యాన్ సంతకాలు చేశారు.

డబ్ల్యూపీఎల్ నాలుగో సీజన్ ఆరంభ పోరులో రాయల్ ఛాలెంజర్స్ బెంగళూరు అదిరే విజయం సాధించింది. ఆఖరి ఓవర్ వరకూ ఉత్కంఠ రేపిన మ్యాచ్‌లో నడినే డీక్లెర్క్(63 నాటౌట్) సిక్సర్ల మోతతో ముంబై ఇండియన్స్‌కు పరాభవం తప్పలేదు. 65కే సగం వికెట్లు కోల్పోయిన ఆర్సీబీని ఆదుకున్న ఈ సఫారీ చిచ్చరపిడుగు.. ఆఖరి ఓవర్లో 2 సిక్సర్లు, 2 ఫోర్లతో జట్టును ఒంటిచేత్తో గెలిపించింది. దాంతో.. ఓటమి ఖాయమనుకున్న మంధాన సేన అనూహ్యంగా 3 వికెట్ల తేడాతో జయభేరి మోగించింది.

యాషెస్ సిరీస్‌ను ఆస్ట్రేలియా గెలుచుకుంది. ఐద టెస్టు మ్యాచ్‌లో ఇంగ్లాండ్‌పై ఐదు వికెట్ల తేడాతో విజయం సాధించి 4-1 తేడాతో యాషెస్ సిరీస్‌ను ఆసీస్ కైవసం చేసుకుంది. ఐదో టెస్టు రెండో ఇన్నింగ్స్ ఐదో రోజు ఆస్ట్రేలియా 31.2 ఓవర్లలో ఐదు వికెట్లు కోల్పోయి 161 పరుగులు చేసింది. యాషెస్ సిరీస్‌లో మిచెల్ స్టార్క్ 31 వికెట్లు తీయడంతో పాటు 156 పరుగులు చేయడంతో మ్యాన్ ఆఫ్ ది సిరీస్ దక్కింది.

ఐపీఎల్ 2026కు దూరం కావడంపై బంగ్లాదేశ్‌ పేసర్ ముస్తాఫిజుర్ రెహమన్ స్పందించాడు. ‘మిమ్మల్ని జట్టులోంచి తీసేస్తే మీరు ఇంకా ఏమి చేయగలరు?’ అంటూ బంగ్లా మీడియాలో స్పందించాడు. ప్రస్తుతం అతడి మాటలు సోషల్ మీడియాలో వైరల్‌గా మారాయి. కోల్‌కతా నైట్ రైడర్స్ (కెకెఆర్) ఐపీఎల్ 2026 మినీ వేలంలో ముస్తాఫిజుర్ రూ.9.2 కోట్లకు కొనుగోలు చేసింది. బంగ్లాదేశ్‌లో హిందువులపై వరుస దాడుల నేపథ్యంలో దీన్ని పరిగణనలోకి తీసుకున్న బీసీసీఐ, బంగ్లా పేసర్‌ను రిలీజ్ చేయాలని కేకేఆర్‌ ఫ్రాంఛైజీని […]

బంగ్లాదేశ్ క్రికెటర్ ముస్తాఫిజుర్ రెహ్మాన్‌ను జట్టు నుంచి రిలీజ్ చేయాలని ఐపీఎల్ ఫ్రాంచైజీ కేకేఆర్‌ను బీసీసీఐ ఆదేశించింది. బంగ్లాదేశ్‌లో హిందువులపై దాడుల నేపథ్యంలో ముస్తాఫిజుర్‌ను ఐపీఎల్‌లో ఆడించొద్దని డిమాండ్లు వినిపించిన సంగతి తెలిసిందే. ‘బంగ్లాదేశ్‌లో తాజా పరిణామాల దృష్ట్యా ముస్తాఫిజుర్ రెహ్మాన్‌ను రిలీజ్ చేయాలని కేకేఆర్‌ను ఆదేశించాం. అతడి స్థానంలో వేరే ఆటగాడిని రిప్లేస్ చేసుకోవచ్చని వెల్లడించాం’ అని బీసీసీఐ సెక్రటరీ దేవజిత్ సైకియా చెప్పుకొచ్చారు.

బంగ్లాలో మైనార్టీలపై హింసాత్మక ఘటనల నేపథ్యంలో ఆ దేశంపై తీవ్ర విమర్శలు వెల్లువెత్తుతున్నాయి. ఈ నేపథ్యంలో ఐపీఎల్‌ వేలంలో కోల్‌కతా నైట్ రైడర్స్ బంగ్లాదేశ్ పేసర్‌ ముస్తాఫిజుర్‌ రెహ్మన్‌ను కొనడాన్ని తప్పు పడతున్నారు కొందరు. దాంతో ఈ లెఫ్ట్ ఆర్మ్ పేసర్‌ను పంతొమ్మిదో సీజన్ ఆడనిస్తారా? లేదా? అనేది తెలియడం లేదు. బీసీసీఐ మాత్రం ముస్తాఫిజుర్‌ను ఐపీఎల్‌లో ఆడించడంపై ఇప్పుడే ఏమీ చెప్పలేమని అంటోంది.