సీజేఐపై దాడికి యత్నించిన న్యాయవాది రాకేష్‌ కిశోర్‌ని సస్పెండ్‌ చేస్తున్నట్లు బార్‌ కౌన్సిల్‌ ఆఫ్‌ ఇండియా ఇప్పటికే ప్రకటించిన విషయం తెలిసిందే. రాకేష్‌ సభ్యత్వాన్ని రద్దు చేయడంతోపాటూ సుప్రీంకోర్టు ప్రాంగణంలోకి ప్రవేశించకుండా ఆయన ఎంట్రీ కార్డును రద్దు చేసింది. ఈ మేరకు సుప్రీంకోర్టు బార్‌ అసోసియేషన్‌ గురువారం ఓ ప్రకటన విడుదల చేసింది. రాకేష్‌ కిశోర్‌ చేసిన దాడి స్వతంత్ర న్యాయవ్యవస్థపై.. పవిత్రమైన కోర్టు గది కార్యకలాపాలపై జరిగిన ప్రత్యక్ష దాడిగా అభివర్ణించింది.

హర్యానా సీనియర్ ఐపీఎస్ అధికారి వై పురాన్ కుమార్ అక్టోబర్‌ 7న సూసైడ్ చేసుకున్నారు. మరణానికి ముందు రాసిన 9 పేజీల సూసైడ్‌ నోట్‌ ఆయన జేబులో లభ్యమైంది. ఇందులో 12 మంది అధికారులు తనను మానసికంగా వేధింపులకు గురి చేసినట్లు ఆరోపించారు. హర్యానా డీజీపీ శత్రుజీత్ సింగ్ కపూర్, రోహ్తక్ ఎస్పీ నరేంద్ర బిజార్నియా తన భర్తపై మానసిక వేధింపులు, కుల ఆధారిత వివక్ష, హింసకు పాల్పడ్డారని ఆయన భార్య ఐఏఎస్ అమ్నీత్ పి కుమార్ […]

సికింద్రాబాద్ కంటోన్మెంట్ ప‌రిధిలో ఘోర ప్ర‌మాదం త‌ప్పింది. స్కూల్ విద్యార్థుల‌తో వెళ్తున్న ఓ ప్ర‌యివేటు పాఠ‌శాల బ‌స్సులో ఆక‌స్మికంగా పొగ‌లు వ‌చ్చాయి. దీంతో అప్ర‌మ‌త్త‌మైన డ్రైవ‌ర్ బ‌స్సును రోడ్డు ప‌క్క‌న నిలిపి ఉంచాడు. అనంత‌రం పిల్ల‌లంద‌రిని సుర‌క్షితంగా బ‌య‌ట‌కు తీసుకొచ్చారు. పిల్ల‌లంద‌రూ సుర‌క్షితంగా బ‌య‌ట‌ప‌డ్డార‌ని, ఎవ‌రికీ ఎలాంటి హానీ క‌ల‌గ‌లేద‌న్నారు. డ్రైవ‌ర్ కూడా ఈ ప్ర‌మాదం నుంచి త‌ప్పించుకున్నాడు. పిల్ల‌ల‌ను మ‌రో బ‌స్సులో పాఠ‌శాల‌కు త‌ర‌లించిన‌ట్లు ఇన్‌స్పెక్ట‌ర్ తెలిపారు.

కన్నడ బిగ్‌బాస్ షోకు ఎదురైన పెద్ద అడ్డంకి ఇప్పుడు తొలగిపోయింది. ఇటీవల కాలుష్య నియంత్రణ మండలి అధికారులు షో కోసం ఏర్పాటు చేసిన బిగ్‌బాస్ హౌస్‌పై సీల్ వేసి షో నిర్వహణను నిలిపివేయగా, ఇది ,అభిమానులకు, షో నిర్వాహకులకు ఇబ్బందిని కలిగించింది. ఈ విషయం కర్ణాటక ఉప ముఖ్యమంత్రి డీకే శివకుమార్ దృష్టికి వెళ్లడంతో ఆయన వెంటనే స్పందించారు. స్టూడియోకు మరో అవకాశం ఇవ్వాలని బెంగళూరు సౌత్ జిల్లా డిప్యూటీ కమిషనర్‌ కు ఆదేశాలు జారీ చేశారు.

సిటీ బస్సులో పెంచిన చార్జీలను వెంటనే తగ్గించాలని డిమాండ్‌ చేస్తూ ‘చలో బస్‌ భవన్‌’ కార్యక్రమాన్ని BRS చేపట్టింది. తీవ్ర నిర్బంధాల నడుమ బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, పార్టీ నేతలు ఆర్టీసీ బస్సుల్లో ప్రయాణించి బస్‌ భవన్‌ చేరుకున్నారు. అనంతరం టీజీఎస్‌ ఆర్టీసీ ఎండీ నాగిరెడ్డితో కేటీఆర్‌ బృందం. భేటీ అయ్యారు. గ్రేటర్‌ పరిధిలో పెంచిన ఆర్టీసీ చార్జీలను వెంటనే వెనక్కి తీసుకోవాలని డిమాండ్‌ చేశారు. ఈ మేరకు బీఆర్‌ఎస్‌ తరఫున లేఖ అందజేశారు.

ఆంధ్రప్రదేశ్ ప్రభుత్వానికి హైకోర్టులో ఊరట దక్కింది. రాష్ట్రంలో 10 మెడికల్ కాలేజీలను పీపీపీ పద్ధతిపై హైకోర్టు కీలక వ్యాఖ్యలు చేసింది. పీపీపీ పద్ధతిలో మెడికల్ కాలేజీలను నిర్మించి, నిర్వహించేందుకు ప్రభుత్వం తీసుకున్న నిర్ణయంలో తాము జోక్యం చేసుకోలేమని హైకోర్టు ప్రధాన న్యాయమూర్తి జస్టిస్‌ ధీరజ్‌సింగ్‌ ఠాకుర్, జస్టిస్‌ చీమలపాటి రవితో కూడిన ధర్మాసనం స్పష్టం చేసింది. ఈ నిర్ణయం రాజ్యాంగబద్ధంగా, చట్టబద్ధంగా ఉందని, కాబట్టి టెండర్ల ఖరారుపై స్టే ఇచ్చేందుకు నిరాకరిస్తున్నామని తెలిపింది.

చలో బస్‌ భవన్‌కు బీఆర్‌ఎస్ పిలుపునిచ్చింది. ముందస్తు చర్యల్లో భాగంగా కూకట్‌పల్లి ఎమ్మెల్యే మాధవరం కృష్ణారావు‌ను పోలీసులు హౌస్ అరెస్ట్ చేశారు. అలాగే వివేకానంద గౌడ్, శంభీర్ పూర్ రాజు, సాయుబాబా తదితరులను కూడా గృహనిర్బంధం చేశారు పోలీసులు. మాజీ మంత్రి , మహేశ్వరం ఎమ్మెల్యే సబితా ఇంద్రారెడ్డిని కూడా పోలీసులు హౌస్ అరెస్ట్ చేశారు.