రష్యాలోని దక్షిణ ప్రాంతమైన దగేస్థాన్లో కుండపోత వర్షాలు పెను విధ్వంసాన్ని సృష్టించాయి. రాజధాని నగరం మఖచ్కలా (Makhachkala) జలదిగ్బంధంలో చిక్కుకోవడంతో శనివారం అక్కడ అత్యవసర పరిస్థితిని ప్రకటించారు. భారీ వరదల కారణంగా విద్యుత్ వ్యవస్థ పూర్తిగా దెబ్బతిని, సుమారు 3.27 లక్షల మంది చీకట్లోనే గడుపుతున్నారు. రోడ్లు, నివాస సముదాయాలు చెరువులను తలపిస్తుండటంతో రవాణా వ్యవస్థ స్తంభించిపోయింది. పరిస్థితి విషమంగా ఉండటంతో ప్రభుత్వం హై అలర్ట్ ప్రకటించింది.