పాకిస్థాన్‌లో కొత్తగా ప్రారంభమైన రియాలిటీ షో ‘లజావల్ ఇష్క్’(Lajawal Ishq) (శాశ్వత ప్రేమ) దేశవ్యాప్తంగా తీవ్ర చర్చకు దారి తీసింది. బ్రిటన్‌ రియాలిటీ షో ‘లవ్ ఐలాండ్’ ఆధారంగా రూపొందించిన ఈ కార్యక్రమం, ఇస్లామిక్ విలువలు మరియు పాక్ సంస్కృతికి విరుద్ధమని ప్రజలు తీవ్రంగా విమర్శిస్తున్నారు. ఈ షోలో ఐదుగురు పురుషులు, ఐదుగురు మహిళలు టర్కీలోని ఇస్తాంబుల్‌లో ఒకే ఇంట్లో కెమెరాల నిఘాలో 24 గంటలు గడుపుతారు. ఈ కార్యక్రమం పాకిస్థాన్ వంటి ముస్లిం మెజారిటీ దేశంలో తీవ్ర వ్యతిరేకతను ఎదుర్కొంటోంది.
