ఐక్యరాజ్య సమితి సమావేశానికి హాజరు అయ్యేందుకు ఇజ్రాయెల్ ప్రధాని నెతన్యాహు అసాధారణ మార్గంలో అమెరికాకు వెళ్లారు. యుద్ధ నేరాల ఆరోపణలపై అరెస్టు వారెంట్లు జారీ కావడంతో యూరప్ గగనతలం మీదుగా వెళ్లకుండా జాగ్రత్త పడ్డారు. సాధారణ మార్గం కాకుండా మొత్తంగా 373 మైళ్ల దూరం (600 కిలో మీటర్లు) అదనంగా ప్రయాణించి అమెరికా చేరుకున్నారు. ఫ్రాన్స్ అనుమతి ఉన్నా ఆ మార్గాన్ని ఎందుకు వద్దనుకున్నారో తెలియదని ఫ్రెంచ్ అధికారి తెలిపారు.