హైదరాబాద్‌ సిటీలో భారీ వర్షం కురిసింది. నగరంలోని పలుచోట్ల శనివారం సాయంత్రం నుంచి వాన పడుతోంది. గచ్చిబౌలి, అమీర్ పేట్, లక్డీకపూల్‌, హయత్ నగర్, ఉప్పల్, హబ్సిగూడు, తార్నాక తదితర ప్రాంతాల్లో వాన పడింది. దీంతో పలు ప్రాంతాల్లో రోడ్లు జలమయమయ్యాయి. లోతట్టు ప్రాంతాల్లోకి వరద నీరు చేరుకోవడంతో ప్రజలు తీవ్ర ఇబ్బందులు పడుతున్నారు. రోడ్లపై నీళ్లు నిలవడంతో భారీగా ట్రాఫిక్ జామ్ ఏర్పడింది. దీంతో వాహనదారులు ముందుకు కదలలేక తీవ్ర ఇబ్బందులు ఎదుర్కొంటున్నారు.
