తమిళనాడులో ఘోర రోడ్డు ప్రమాదం సంభవించింది. బుధవారం రాత్రి తిరుచిరాపల్లి జిల్లాలో బస్సు అదుపుతప్పి రెండు కార్లపైకి దూసుకెళ్లింది. ఈ ఘటనలో 9 మంది మృతిచెందగా.. పలువురు గాయపడ్డారు. తమిళనాడు రాష్ట్ర రోడ్డు రవాణా సంస్థకు చెందిన బస్సు తిరుచిరాపల్లి నుంచి చెన్నైకు బయలుదేరింది. అక్కడ నుంచి బయలుదేరిన కాసేపటికే చెన్నై-తిరుచ్చి జాతీయ రహదారిపై దాని టైరు పేలడంతో అదుపుతప్పి డివైడర్ ఎక్కి అవతలివైపున వాహనాలపైకి దూసుకెళ్లినట్టు పోలీసులు తెలిపారు. రెండు కార్లును బస్సు ఢీకొట్టిందని చెప్పారు.

పేదలకు నాణ్యమైన వైద్యంలో రాజీలేదని ముఖ్యమంత్రి చంద్రబాబు స్పష్టం చేశారు. వైద్య ఆరోగ్య శాఖపై సీఎం సమీక్ష నిర్వహించిన సీఎం పీపీపీ విధానంపై ముందుకేనని తేల్చి చెప్పారు. తప్పుడు ప్రచారాన్ని తిప్పికొట్టాలని ఆదేశించారు. కేంద్ర మార్గదర్శకాల మేరకు విజీఎఫ్‌కు నిర్ణయం తీసుకున్నామని ఈ సందర్భంగా తెలియజేశారు. టెండర్ల ప్రక్రియను వేగవంతం చేయాలనీ ఆదేశించారు. ఆదోని మెడికల్ కాలేజ్‌ నిర్మాణానికి ముందుకొచ్చిన సంస్థతో ఒప్పందం చేసుకోవాలని వివరించారు.

ఉన్నావ్​ అత్యాచార బాధితురాలిని కలిశారు కాంగ్రెస్ అగ్రనేత రాహుల్ గాంధీ. బుధవారం దిల్లీలోని 10 జన్​పథ్​లోని కాంగ్రెస్ అగ్రనేత సోనియా గాంధీ నివాసంలో బాధితురాలితో రాహుల్​ మాట్లాడారు. బాధితురాలితో పోలీసులు ప్రవర్తించిన తీరు పట్ల తీవ్రంగా మండిపడిన రాహుల్‌, అత్యాచార బాధితురాలి పట్ల ఇలా వ్యవహరిస్తారా అని ప్రశ్నించారు. అత్యాచారం చేసిన వారికి బెయిల్ వచ్చిందని, బాధితులనేమో నేరస్థులలాగా చూస్తున్నారని మండిపడ్డారు. భారత్​ డెడ్​ ఎకానమీ కాకుండా డెడ్ సొసైటీగా మారిపోతుందని ఆరోపించారు.

 డ్రగ్స్ విక్రయిస్తున్న ప్రేమ జంటను పోలీసులు అరెస్ట్ చేశారు. చిక్కడపల్లి పిఎస్ పరిధిలో హైదరాబాద్ నార్కోటిక్స్ ఎన్‌ఫోర్స్‌మెంట్ విభాగం పోలీసులు ప్రేమ జంటతో పాటు మరో ఇద్దరిని అదుపులోకి తీసుకున్నారు. నిందుతుల్లో ముగ్గురు పెడ్లర్లు, ఒక వినియోగదారుడు ఉన్నారు. వారి నుంచి 22 గ్రాముల హైడ్రోఫోనిక్ గంజాయి, 5 గ్రాముల ఎండిఎంఎ, 5.5 గ్రాముల ఎక్స్‌టసీ పిల్స్, 6 ఎల్ఎస్‌డి బ్లాట్స్ స్వాధీనం చేసుకున్నారు. నిందితులు ఇమాన్యుయేల్, సుస్మిత అనే సాఫ్ట్‌వేర్ ఇంజినీర్ అతడితో కలిసి .విలాసాలకు […]