గత అనుభవాల నుంచి నేర్చుకున్న పాఠాలతో భవిష్యత్తు ప్రణాళికలు రూపొందిస్తున్నామని సీఎం రేవంత్​ రెడ్డి అన్నారు. పారదర్శక విధానలతో అద్భుతమైన పాలసీని జాతికి అంకితం చేయనున్నట్లు తెలిపారు. తెలంగాణ బలమైన ఆర్థిక రాష్ట్రంగా నిలదొక్కుకునేందుకు విజన్‌ డాక్యుమెంట్‌ను తయారు చేసినట్లు వెల్లడించారు. సంక్షేమ పథకాల అమలుకు విజన్‌ డాక్యుమెంట్‌ రూపకల్పన చేశామని, విజన్‌ డాక్యుమెంట్‌-2047లో రెండు ప్రధాన అంశాలుగా విజన్‌, స్ట్రాటజీ ఉన్నాయని సీఎం రేవంత్ తెలిపారు.

అవినీతి ఆరోపణలు ఎదుర్కొంటున్న ఇజ్రాయెల్‌ ప్రధాని నెతన్యాహు తనకు క్షమాభిక్ష ప్రసాదించాలని అధ్యక్షుడు ఐజక్‌ హట్జాగ్‌కు విజ్ఞప్తి చేశారు. ప్రధాని కార్యాలయం ఈ విషయాన్ని అధికారికంగా వెల్లడించింది. క్షమాభిక్ష కోసం ఆయన అధ్యక్ష కార్యాలయం న్యాయవిభాగానికి తన అభ్యర్థనను సమర్పించినట్లు తెలిపింది. నెతన్యాహు మూడు వేర్వేరు కేసుల్లో మోసం, నమ్మకద్రోహం, లంచాలు స్వీకరించడం వంటి అభియోగాలు ఎదుర్కొంటున్నారు. ఇజ్రాయెల్ చరిత్రలో విచారణకు హాజరైన ఏకైక ప్రధానమంత్రిగా ఆయన నిలిచారు.

గవర్నర్ అధికారిక నివాసమైన రాజ్ భవన్ పేరును ‘లోక్ భవన్’గా మార్చాలన్న ప్రతిపాదనను తమిళనాడు సీఎం ఎంకే స్టాలిన్ తీవ్రంగా విమర్శించారు.కేంద్ర ప్రభుత్వం ఆదేశాల మేరకు ఆ రాష్ట్ర గవర్నర్ ఆర్ఎన్ రవి ఈ చర్యకు సిఫార్సు చేయడంపై మండిపడ్డారు. ముందు ఆలోచనా విధానాన్ని మార్చుకోవడం ముఖ్యమని సూచించారు. ప్రజాస్వామ్య సంస్థల పట్ల గౌరవం లేనప్పుడు రాజ్‌ భవన్‌ పేరు మార్పు చర్య అనవసరమని ఎక్స్‌లో పేర్కొన్నారు.

అమెరికాలోని కాలిఫోర్నియాలోని ఫంక్షన్‌హాల్‌లో జరిగిన  కాల్పుల్లో నలుగురు మృతి చెందారు. పది మంది వరకూ గాయపడ్డారు. అక్కడి స్టాక్టన్ ప్రాంతంలో ఈ ఘటన చోటుచేసుకుంది. ఓ కుటుంబం వేడుక కోసం అక్కడికి చేరిన దశలోనే ఎవరో వారిపై దాడికి దిగాడని షెరీఫ్ అధికారులు తెలిపారు. బాధితులలో పిల్లలు , పెద్దలు ఉన్నారు. కాల్పులకు దిగిన వ్యక్తిని అరెస్టు చేశారు. దాడికి కారణాలను దర్యాప్తు చేస్తున్నామని అధికారులు వివరించారు. గాయపడ్డ వారి పరిస్థితి ఏమిటనేది వెలుగులోకి రాలేదు.

ప్రతిష్ఠాత్మక సయ్యద్ మోడీ ఇంటర్నేషన్‌లో భారత స్టార్లు త్రీసా జాలీ – గాయత్రీ గోపిచంద్‌ ద్వయం జయకేతనం ఎగురేసింది. డిఫెండింగ్ ఛాంపియన్లుగా బరిలోకి దిగిన ఈ జోడీ అదిరే ఆటతో టైటిల్ నిలబెట్టుకుంది. త్రీసా, గాయత్రి సంచలన ఆటతో వరుసగా రెండు సెట్లను 21-13, 21-15తో గెలుచుకున్నారు. పురుషుల విభాగంలో కిడాంబి శ్రీకాంత్ తనకంటే తక్కువ ర్యాంకర్ అయిన హాంకాంగ్ షట్లర్ జేసన్ గునవాన్ చేతిలో అనూహ్యంగా కంగుతిన్నాడు.

ఐబొమ్మ’ వెబ్‌సైట్‌లో తాను కూడా సినిమాలు ఉచితంగా చూశానని సిపిఐ నాయకుడు డా. కె. నారాయణ అన్నారు. ఐబొమ్మ రవిని శిక్షించడం కంటే అసలైన సినిమా మాఫియాను ఉరితీయాలని ఆయన డిమాండ్ చేశారు. అప్పుడే సమాజానికి మేలు జరుగుతుందన్నారు. టికెట్ ధరలను రూ. 600 నుండి రూ.700 వరకు పెంచితే సామాన్యులు సినిమాలు ఎలా చూస్తారని ఆయన ప్రశ్నించారు. ‘కోట్లు ఖర్చుపెట్టి, టికెట్ ధరల కోసం అడుక్కుంటారు. సామాన్య ప్రజలను దోచుకోవడానికి ప్రభుత్వం సాయం చేస్తుందా? అని […]

మావోయిస్టులకు మరో ఎదురుదెబ్బ తగిలింది. ఛత్తీస్‌గఢ్‌ రాష్ట్రంలోని బస్తర్ రీజియన్‌ దంతెవాడ జిల్లాలో ఆదివారం 37 మంది మావోయిస్టులు లొంగిపోయారు. వారిలో 27 మందిపై మొత్తం రూ.65 లక్షల రివార్డు ఉందని అధికారులు తెలిపారు. ఛత్తీస్‌గఢ్‌ ప్రభుత్వం అమలు చేస్తున్న ‘లోన్ వర్రాటు’, ‘పూనా మర్గం’ పథకాలకు ఆకర్షితులై వారు లొంగిపోయారని చెప్పారు. లొంగిపోయిన మావోయిస్టుల్ల 12 మంది మహిళలు ఉన్నారు. 2020ల్లో పోలీసులు, భద్రతా బలగాలపై దాడులు, కాల్పులు, అలాగే IEDలు అమర్చడం వీరికి ప్రమేయం […]