తెలంగాణలోని 12 బి.సి స్టడీ సర్కిల్స్ నందు విదేశాలలో ఉన్నత విద్యను అభ్యసించేందుకు గల అవకాశాలను వివరించేందుకు అవగాహన కార్యక్రమాలతో పాటు IELTS శిక్షణ తరగతులు ప్రారంభిస్తామని వెల్లడించారు. IELTS శిక్షణకు ఆసక్తి వున్న గ్రాడ్యుయేషన్ (ప్రొఫెషనల్, నాన్ ప్రొఫెషనల్) ఉత్తీర్ణత పొందిన అభ్యర్థులు తేది డిసెంబర్ ఒకటో తేదీ (01.12.2025) నుండి డిసెంబర్ 21 వరకు తేదీ వరకు టి.జి.బి.సి.స్టడీ సర్కిల్ వెబ్సైట్ www.tgbcstudycircle.cgg.gov.in ద్వారా ఆన్లైన్ ద్వారా దరఖాస్తు చేసుకునేందుకు అవకాశం కల్పించారు.

వరంగల్ కాళోజీ యూనివర్సిటీలో అక్రమాలు జరిగాయన్న ఆరోపణలను వీసీ డాక్టర్ నందకుమార్ కొట్టిపారేశారు. తాను ఎలాంటి తప్పూ చేయలేదని, ఈ వ్యవహారంలో ఎలాంటి విచారణకైనా సిద్ధమని చెప్పారు. తనపై కొంతమంది దుష్ప్రచారం చేస్తున్నారని, పీజీ విద్యార్థి అర్జీ పెట్టుకోవడంతోనే రీవాల్యుయేషన్ చేశామన్నారు.

వాట్సాప్‌, టెలిగ్రామ్‌, సిగ్నల్‌, అరట్టై వంటి కమ్యూనికేషన్‌ యాప్స్‌కు కేంద్రం కీలక ఆదేశాలు జారీ చేసింది. డివైజ్‌లో సిమ్‌కార్డు ఉంటేనే యాప్‌ పనిచేసేలా చూడాలని డిపార్ట్‌మెంట్‌ ఆఫ్‌ టెలికమ్యూనికేషన్స్‌ ఆదేశించింది. టెలికమ్యూనికేషన్‌ సైబర్‌ సెక్యూరిటీ సవరణ నిబంధనలు, 2025లో భాగంగా యాప్‌ ఆధారిత కమ్యూనికేషన్‌ సేవలందించే సంస్థలకు ఈ మేరకు డాట్‌ ఆదేశాలు జారీ చేసింది. 90 రోజుల్లో ఈ నిబంధనలను అమలు చేయాలని పేర్కొంది.

మెట్రో రైలులో ప్రయాణించే ప్రయాణికుల లగేజీ కష్టాలను తీర్చేందుకు టక్కీట్ అనే సంస్థతో కలిసి పనిచేయనుంది. తొలివిడతలో కేవలం ఏడు మెట్రో స్టేషన్లలో ఈ సదుపాయం అందుబాటులోకి రానున్నట్లు తెలుస్తోంది. మెట్రోలో ప్రయాణించే వారి వద్ద హెల్మెట్లు, బ్యాగులు, ఇతర షాపింగ్ సంచులు వంటివి ఉండడం సహజం. లగేజీని స్టేషన్లలోనే లాకర్లో సేఫ్ గా పెట్టుకునే ఏర్పాట్లు చేయనున్నారు. లాకర్ ఎంత టైం యూజ్ చేసుకుంటారో సెలెక్ట్ చేసుకుని డిజిటల్ పేమెంట్ చేయాల్సి ఉంటుందన్నారు.

సెంట్రల్ టీచర్ ఎలిజిబిలిటీ టెస్ట్ (CTET) 2026 నోటిఫికేషన్ విడుదలైంది. కేంద్రీయ మాధ్యమిక శిక్షా బోర్డ్ (CBSE) ఆన్‌లైన్ దరఖాస్తు ప్రక్రియను ప్రారంభించింది. ఆన్‌లైన్ దరఖాస్తులు నవంబర్ 27న ప్రారంభమై డిసెంబర్ 18 రాత్రి 11:59 గంటలకు ముగుస్తాయి పేపర్-I కోసం అభ్యర్థి సీనియర్ సెకండరీ (10+2)తో పాటు 2 సంవత్సరాల డిప్లొమా ఇన్ ఎలిమెంటరీ ఎడ్యుకేషన్ లేదా 4 సంవత్సరాల B.El.Ed. డిగ్రీ ఉండాలి. పేపర్-II కోసం గ్రాడ్యుయేషన్ తో పాటు D.El.Ed. లేదా B.Ed. […]

పంచాయతీ ఎన్నికలు మొదటి దశకు సంబంధించి నామినేషన్ల గడువు ఇవాళ సాయంత్రం ముగిసింది. మొదటి విడతలో 4,236 గ్రామ పంచాయతీలు, 37,440 వార్డుల్లో నామినేషన్లు స్వీకరించారు. ఆదివారం నామినేషన్ల పరిశీలన, చెల్లుబాటు అయిన నామినేషన్ల వివరాలు వెల్లడిస్తారు. సోమవారం అప్పీళ్ల స్వీకరణ, వచ్చే నెల 2న అప్పీళ్ల పరిష్కారం ఉంటుంది. వచ్చే నెల 3న నామినేషన్ల ఉపసంహరణ గడువు ముగియనుంది. అదే రోజు పోటీలో ఉన్న అభ్యర్థుల వివరాలు వెల్లడిస్తారు.

రాష్ట్రంలో మూడు ప్రాంతాల అభివృద్ధే లక్ష్యంగా పనిచేస్తున్నామని సీఎం చంద్రబాబు స్పష్టం చేశారు. ఇందుకనుగుణంగా 3 ప్రాంతీయ జోన్లు ఏర్పాటు చేస్తామన్నారు. అభివృద్ధి ఏ ఒక్క ప్రాంతానికో పరిమితం కాకుండా అన్ని ప్రాంతాల సమగ్రాభివృద్ధికి కృషి చేస్తున్నట్లు చెప్పారు. రాజధాని రైతులంతా ఇక ఒకే గొడుగు కిందకు రావాలని సూచించారు. అమరావతి ప్రాంత అభివృద్ధి అసోసియేషన్ కింద అంతా ఒకే జేఏసీగా ఏర్పడితే వారితో సంప్రదిస్తూ అన్ని సమస్యలూ పరీష్కరిస్తామని స్పష్టం చేశారు.

కెసిఆర్ దీక్ష వల్లే తెలంగాణ వచ్చిందని బిఆర్‌ఎస్ చెప్పుకుంటుందని, కెసిఆర్ దీక్ష ఎలా చేశారో, ఎలాంటి ఫ్లూయిడ్స్ తీసుకున్నారో అందరికీ తెలుసనీ, 1,200 మంది అమరవీరుల త్యాగాల కంటే కెసిఆర్ దీక్ష పెద్దదా?’ అని కాంగ్రెస్ ఎమ్మెల్సీ అద్దంకి దయాకర్ ప్రశ్నించారు. శనివారం సీఎల్పీ మీడియా సెంటర్ వద్ద ఆయన మీడియాతో మాట్లాడుతూ శ్రీకాంతాచారి, యాదయ్య, ఇషాన్‌రెడ్డి, కిష్టయ్య వంటి ఉద్యమ వీరుల త్యాగాలను బిఆర్‌ఎస్ ఎందుకు గుర్తు చేసుకోవడం లేదని ఆయన ధ్వజమెత్తారు.

సచివాలయం ఎదుట రాజీవ్ గాంధీ విగ్రహాన్ని తీసి తల్లి తెలంగాణ విగ్రహం బరాబర్ పెడతామని బీఆర్‌ఎస్‌ వర్కింగ్‌ ప్రెసిడెంట్ల కల్వకుంట్ల తారకరామారావు స్పష్టం చేశారు. తెలంగాణ భవన్‌లో నిర్వహించిన దీక్షా దివస్‌ కార్యక్రమంలో పాల్గొన్నారు. ఈ సందర్భంగా కేటీఆర్‌ మాట్లాడుతూ.. పీసీసీ కాంగ్రెస్ అధ్యక్షులు ఉద్యమ కాలంలో ఎక్కడున్నారో ఎవరికీ తెలియదని విమర్శించారు. ఆయన కూడా ఈ రోజు తెలంగాణ ఉద్యమం గురించి కేసీఆర్‌ దీక్ష గురించి అడ్డగోలుగా మాట్లాడుతున్నాడని మండిపడ్డారు.