ఏపీ రాష్ట్ర ప్రభుత్వ ప్రధాన కార్యదర్శి కె. విజయానంద్‌ సర్వీసును పొడిగించారు. ఆయన పదవీకాలం ఈ నెలఖారుతో ముగియనుండగా.. మరో మూడు నెలల పాటు పొడిగించాలని సీఎం చంద్రబాబు నాయుడు నిర్ణయించారు. దీంతో 2026 ఫిబ్రవరి వరకు సీఎస్‌గా కొనసాగనున్నారు. విజయానంద్‌ తర్వాత స్పెషల్‌ సీఎస్‌ సాయిప్రసాద్‌కు సీఎస్‌గా అవకాశం కల్పించనున్నట్లు సమాచారం. ఈ మేరకు ఇరువురు అధికారులకు ప్రభుత్వ పెద్దల నుంచి సమాచారం అందించినట్లు తెలుస్తోంది.
మంత్రి నారా లోకేష్‌తో ఏపీటీఎఫ్ రాష్ట్ర అధ్యక్షురాలు చెన్నుపాటి మంజుల, మాజీ ప్రధాన కార్యదర్శి వరప్రసాద్ సమావేశం అయ్యారు. రాష్ట్రంలో ప్రభుత్వ ఉపాధ్యాయులు ఎదుర్కొంటున్న పలు సమస్యలను మంత్రి లోకేష్ దృష్టికి తెచ్చారు ఈ విద్యాసంవత్సరంలో మరే ఇతర విద్యేతర పనులు ఉపాధ్యాయులకు ఉండవని స్పష్టం చేశారు. డీఈఓ, ఎంఈఓలు కేవలం లెర్నింగ్ అవుట్ కమ్స్‌పైనే దృష్టిపెట్టాలని, వారికి సర్వీసు రూల్స్ బాధ్యతలు అప్పగించబోమని స్పష్టంచేశారు. కడప మోడల్ స్మార్ట్ కిచెన్లను ఏపీవ్యాప్తంగా ఏర్పాటు చేస్తామని మాటిచ్చారు […]
పులివెందుల మాజీ సీఐ శంకరయ్య సర్వీసు నుంచి తొలగించారు. మాజీ మంత్రి వైఎస్ వివేకానందరెడ్డి హత్య జరిగిన సమయంలో పులివెందుల సీఐగా ఉన్న శంకరయ్య సమక్షంలోనే ఇదంతా జరిగిందని చంద్రబాబు ఆరోపించారు. అయితే కొన్ని నెలల కిందట సీఎం చంద్రబాబుకు సీఐ శంకరయ్య నోటీసులు పంపారు. సీఎం చంద్రబాబు తనపై చేసిన ఆరోపణల వల్ల పరువునష్టం వాటిల్లిందని నోటీసులో పేర్కొన్నారు. ఈ క్రమంలోనే క్రమశిక్షణ చర్యల్లో భాగంగా ఆయనను సర్వీసు నుంచి తొలిగిస్తూ కర్నూలు రేంజ్ ప్రవీణ్ […]
హైదరాబాద్ టోలిచౌకి పోలీసులు ఇప్పుడు సోషల్ మీడియాలో ట్రెండింగ్ అవుతున్నారు. నలుగురు యువకులు రాత్రి పూట ఎలాంటి కారణం లేకుండా రోడ్డు మీద తిరుగుతున్నారని..ఆ నలుగురిపై చిన్న కేసులు నమోదు చేశారు రాత్రివేళ బయట తిరిగినంత మాత్రాన కేసులు ఎలా పెడతారని నెటిజన్లు ప్రశ్నించారు. అలాంటి నిబంధన ఏ చట్టంలో ఉందని పలువురు అభ్యంతరం వ్యక్తం చేశారు. ఈ యువకులు ఇంతకుముందే పలు కేసుల్లో నిందితులుగా ఉన్నారని టోలిచౌకి పోలీసులు క్లారిటీ ఇచ్చారు
పదోసారి బిహార్‌ ముఖ్యమంత్రిగా బాధ్యతలు చేపట్టి చరిత్ర సృష్టించిన నితీశ్ కుమార్ కీలక నిర్ణయం తీసుకున్నారు. ఎన్నికల భాగస్వామి ఎన్డీయే కూటమి కోసం ‘హోం శాఖ’ను సీఎం వదిలేశారు. రెండు దశాబ్దాలుగా చూసుకున్న హోంను భారతీయ జనతా పార్టీకి సీఎం నితీశ్ అప్పగించారు. ఆయన శుక్రవారం ఉపముఖ్యమంత్రి సమ్రాట్ చౌధరీకి బాధ్యతలు కట్టబెట్టారు. ఈ పరిణామంతో బిహార్‌లో అత్యధిక సీట్లు గెలుపొందిన బీజేపీ డ్రైవింగ్ సీట్లో ఉందనే వార్తలు వినిపిస్తున్నాయి.
కరూర్ తొక్కిసలాట దుర్ఘటనతో నిలిచిపోయిన తమిళగ వెట్రి కళగం (TVK) పార్టీ ప్రచారం మళ్లీ మొదలుకానుంది. డిసెంబర్‌ 4న సేలంలో భారీ ర్యాలీ నిర్వహించతలపెట్టారు. అయితే ఈ ర్యాలీకి పోలీసులు అనుమతి నిరాకరించారు. పార్టీకి ఇచ్చిన లేఖలో మాత్రం భద్రతాసిబ్బంది లేకపోవడం, ఎంత మంది ప్రజలు హాజరవుతారనే కచ్చితమైన వివరాలు లేకపోవడం వంటి అంశాలను కారణాలుగా చూపారు. విజయ్ ప్రజా సమావేశాలకు నాలుగు వారాల ముందుగానే దరఖాస్తు చేసుకోవాలని సూచించారు.
ఆంధ్రప్రదేశ్ సెకండరీ ఎడ్యుకేషన్ బోర్డు (BSEAP) 2025–26 విద్యా సంవత్సరానికి సంబంధించిన ఎస్సెస్సీ పబ్లిక్ పరీక్షల షెడ్యూల్‌ను అధికారికంగా ప్రకటించింది. రాష్ట్రవ్యాప్తంగా 6.5 లక్షల మంది పదో తరగతి చదువుతున్న విద్యార్థులు ఎంతో ఆసక్తిగా ఎదురు చూస్తున్న ఈ టైమ్ టేబుల్ ప్రకారం, పరీక్షలు మార్చి 16 నుంచి ఏప్రిల్ 1 వరకు జరుగనున్నాయి. ప్రతిరోజూ ఉదయం 9:30 గంటల నుంచి మధ్యాహ్నం 12:45 వరకు పరీక్షా సమయంగా పేర్కొన్నారు. bse.ap.gov.in
జక్కన్నకు సపోర్ట్ చేస్తూ తన ‘X’లో సుదీర్ఘ పోస్ట్ పెట్టారు. రాజమౌళిని విమర్శిస్తున్న వారికి స్ట్రాంగ్ కౌంటర్ ఇచ్చారు. ‘రాజమౌళిపై విషం కక్కుతోన్న సో కాల్డ్ ధర్మ పరిరక్షకులు భారతదేశంలో నాస్తికునిగా ఉండడం నేరం కాదని తెలుసుకోవాలి. రాజమౌళి దేవుడిని నమ్మకపోయినా దేవుడిని నమ్మేవారు జీవితంలో చూడని విజయాన్ని, సంపదను చూశారు. దీన్ని బట్టి దేవుడు భక్తుల కంటే నాస్తికులకే ఎక్కువ ప్రేమిస్తుండాలి. దేవునికి రాజమౌళితో ఎలాంటి సమస్య లేదు. మరి మీకెందుకు ఇబ్బంది?.’ అంటూ సెటైరికల్‌గా […]
మాజీ ముఖ్యమంత్రి వైఎస్ జగన్మోహన్ రెడ్డి ఏపీ ముఖ్యమంత్రి నారా చంద్రబాబు నాయుడికి 9 పేజీల బహిరంగ లేఖ రాశారు. కృష్ణా నది జల వాటాల పునఃపంపిణీపై కృష్ణా జలాల వివాద ట్రిబ్యునల్ -2 (KWDT-II) ముందు రాబోయే విచారణల్లో ఆంధ్రప్రదేశ్ హక్కులను కాపాడుకోవాలని ఆయన డిమాండ్ చేశారు. తెలంగాణ ప్రభుత్వం కృష్ణా నదిలో 63 TMC డిపెండబుల్ నీటిని తమకు కేటాయించాలని డిమాండ్ చేస్తోంది. ఈ డిమాండ్‌ను ట్రిబ్యునల్ అంగీకరిస్తే ఆంధ్రప్రదేశ్‌కు తీరని అన్యాయం జరుగుతుందని […]
దుబాయ్‌లో జరుగుతున్న ఎయిర్‌ షోలో ప్రమాదం చోటు చేసుకుంది. భారత్‌కు చెందిన తేజస్‌ యుద్ధ విమానం కూలిపోయింది. ఎయిర్‌ షోలో భాగంగా శుక్రవారం మధ్యాహ్నం సమయంలో ప్రదర్శన జరుగుతుండగా.. విమానం ఒక్కసారిగా కూలిపోయింది. ఆ వెంటనే పెద్ద ఎత్తున మంటలు ఎగసిపడ్డాయి. ఈ ఘటనతో అక్కడ ఒక్కసారిగా భయాందోళన వాతావరణం నెలకొంది. పైలట్‌ ప్రమాదం నుంచి బయటపడ్డాడా..? లేదా..? అన్నది స్పష్టంగా తెలియలేదు. కానీ, ప్రమాద తీవ్రతను చూస్తుంటే పైలట్‌ బతికే ఛాన్స్‌ లేదనే తెలుస్తోంది.
