తెలంగాణలోని 2620 మద్యం షాపులకు 95,137 దరఖాస్తులు వచ్చిన‌ట్లు ఎక్సైజ్ శాఖ అధికారులు వెల్ల‌డించారు. గురువారం ఒక్క‌రోజే 4822 ద‌ర‌ఖాస్తులు వ‌చ్చిన‌ట్లు తెలిపారు. రంగారెడ్డి డివిజన్‌లో అత్య‌ధికంగా 29,420 ద‌ర‌ఖాస్తులు రాగా, అదిలాబాద్ డివిజన్‌లో అత్య‌ల్పంగా 4154 ద‌ర‌ఖాస్తులు వచ్చాయి. మ‌ద్యం దుకాణాల‌కు ఈ నెల 27వ తేదీన డ్రా నిర్వ‌హించ‌నున్నారు. 27న ఉదయం 11 గంటలకు కలెక్టర్ల సమక్షంలో మద్యం షాపులకు డ్రా తీయనున్న‌ట్లు అధికారులు పేర్కొన్నారు.

బస్సు దగ్ధం ఘటనలో కాలిబూడిదై 19 మందిని పొట్టనపెట్టుకున్న వేమూరి కావేరి ట్రావెల్స్​ బస్సు అక్రమ బాగోతం బయటపడింది. ఆ సంస్థ నిర్వహించిన ఈ బస్సు సీటింగ్‌ క్యారీయర్‌యే కానీ స్లీపర్‌ సర్వీస్‌ ఎంత మాత్రం కాదు. వాస్తవ పర్మిషన్‌ విరుద్ధంగా బస్సు ఫిట్​నెస్‌ను మార్చి సీటింగ్‌ క్యారీయర్‌ పర్మిషన్‌ను స్లీపర్‌ క్యారీయర్‌గా మార్చేసింది. ఇలా తెలుగు రాష్ట్రాల్లో ట్రావెల్స్‌ సంస్థలు చేస్తున్న అక్రమ దందా మూలంగా ప్రమాదాలు జరిగినప్పుడు బాధితులకు కనీసం పరిహారం కూడా దక్కడం […]

కృష్ణా జిల్లా కొండపావులూరులోని NDMA ఆవరణలో జరిగిన రాష్ట్ర స్థాయి అటవీ అధికారుల రెండు రోజుల వర్క్ షాప్‌లో అటవీ, పర్యావరణ శాఖ మంత్రి పవన్‌ కల్యాణ్‌ ముఖ్య అతిథిగా పాల్గొని అడవుల సంరక్షణ, భవిష్యత్తు లక్ష్యాలపై దిశానిర్దేశం చేశారు. పార్టీలు, వ్యక్తులకు అతీతంగా అటవీ భూమి అంగుళం కబ్జా అయినా వేగంగా స్పందించాల్సిన బాధ్యతను అటవీ అధికారులు తీసుకోవాలని చెప్పారు. కబ్జా అయిన అటవీ భూములను స్వాధీనం చేసుకునేలా ప్రణాళికలు రూపొందించాలని ఆదేశించారు.

ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబు నాయుడు దుబాయ్‌లో మూడో రోజు పర్యటనలో భాగంగా యూఏఈ ఆర్థిక వ్యవహారాలు, పర్యాటక శాఖ మంత్రి అబ్దుల్లా బిన్ తౌక్ అల్ మర్రీతో ముఖ్యమంత్రి చంద్రబాబు భేటీ అయ్యారు. యూఏఈ, ఆంధ్రప్రదేశ్‌ల మధ్య వాణిజ్య బంధం పెంచుకునే అంశంపై ఇరువురు నేతల మధ్య చర్చ జరిగింది. యూఏఈ ఆర్థిక వ్యవహారాల మంత్రి. లాజిస్టిక్స్, రవాణా, మౌలిక సదుపాయాల రంగాల్లో పెట్టుబడులు, నూతన భాగస్వామ్యాల ఏర్పాటుపై సీఎం చంద్రబాబు, యూఏఈ ఆర్ధిక […]

కర్నూలు జిల్లా చిన్నటేకూరు వద్ద ఇవాళ(శుక్రవారం) బస్సు ప్రమాదం జరిగిన విషయం తెలిసిందే. బస్సు ప్రమాదంలో 19 మంది ప్రయాణికుల మృతికి కారణమయ్యారని కావేరి బస్సు యాజమాన్యం, డ్రైవర్ ముత్యాల లక్ష్మయ్యలపై 125/Aతో పాటు మరికొన్నిసెక్షన్ల కింద పోలీసులు కేసులు నమోదు చేశారు. ఇప్పటికే ఆ బస్సుకి చెందిన ఒక డ్రైవర్ శివ నారాయణ పోలీసుల అదుపులో ఉన్నారు. కేసు దర్యాప్తులో భాగంగా డీఐజీ కోయ ప్రవీణ్ సీన్ రీ కన్‌స్ట్రక్షన్ చేసి మరిన్ని వివరాలు తెలుసుకున్నారు.

తిరుపతి జిల్లా వేదాంతపురంలో విషాదం నెలకొంది. స్వర్ణముఖి నదిలో ఈతకు దిగిన ఏడుగురు యువకులు నీటి ప్రవాహానికి గురయ్యారు. ఇసుక దిబ్బలపై ఆడుకుంటూ నీటిలో స్నానం చేస్తుండగా ఈ ప్రమాదం జరిగింది. ముగ్గురు యువకులు ప్రాణాలతో బయటపడగా.. నలుగురు గల్లంతయ్యారు. వరద నీటి ప్రవాహానికి కొట్టుకుపోయిన యువకుల్లో ప్రకాశ్‌, చిన్నా, తేజూ, బాలు గా పోలీసులు గుర్తించారు. వీరిలో ఇద్దరి మృతదేహాలను గుర్తించారు గల్లంతైన ఇద్దరు యువకుల కోసం రెస్క్యూ టీం గాలింపు చర్యలు ముమ్మరం చేసింది.