హైద‌రాబాద్ న‌గ‌రంలో శ‌నివారం రాత్రి 9.30 గంట‌ల స‌య‌మంలో ఉరుములు, మెరుపుల‌తో కూడిన భారీ వ‌ర్షం కురిసింది. న‌గ‌ర వ్యాప్తంగా వాన బీభ‌త్సం సృష్టించింది. శుక్ర‌వారం అక్క‌డ‌క్క‌డ తేలిక‌పాటి వ‌ర్షాలు కురిసిన‌ప్ప‌టికీ.. శ‌నివారం రాత్రి మాత్రం ఆకాశానికి చిల్లు ప‌డిందా అనే రేంజ్‌లో వ‌ర్షం కురిసింది. ఈ భారీ వ‌ర్షానికి హైద‌రాబాద్ – విజ‌య‌వాడ హైవేపై వ‌ర్ష‌పు నీరు భారీగా నిలిచిపోయింది. పెద్ద అంబ‌ర్‌పేట్ నుంచి హైద‌రాబాద్ సిటీలోకి వెళ్లే రోడ్ల‌పై భారీగా ట్రాఫిక్‌జామ్ ఏర్ప‌డింది.

తెలంగాణలో పెట్టుబడులు పెట్టేందుకు నేషనల్ థర్మల్ పవర్ కార్పొరేషన్ (ఎన్టీపీసీ) కూడా రెడీ అయింది. రాష్ట్రంలో రూ.80వేల కోట్లు పెట్టుబడులు పెట్టేందుకు ఎన్టీపీసీ సంసిద్ధత వ్యక్తం చేసింది. న్టీపీసీ చైర్మన్ అండ్ మేనేజింగ్ డైరెక్టర్ గురుదీప్ సింగ్ నేతృత్వంలోని ప్రతినిధి బృందం శనివారం రోజున హైదరాబాద్‌లోని సీఎం రేవంత్ రెడ్డి నివాసానికి వెళ్లింది. సీఎం రేవంత్ రెడ్డితో గురుదీప్ సింగ్ నేతృత్వంలోని బృందం మర్యాదపూర్వకంగా భేటీ అయింది.

ముఖ్యమంత్రి చంద్రబాబు నాయుడు పాడేరు మండలంలో ప్రపంచ ఆదివాసీ దినోత్సవం సందర్భంగా గిరిజనుల అభివృద్ధి, సంక్షేమం కోసం పలు కార్యక్రమాలు ప్రారంభించారు. ఆదివాసీలు అన్ని విధాలా అభివృద్ధి చెందితేనే రాష్ట్రాభివృద్ధి జరుగుతుందని, గిరి పుత్రుల్లో మరింత చైతన్యం తీసుకురాగలిగితే అభివృద్ధికి ఢోకా ఉండదని ముఖ్యమంత్రి అన్నారు. వంజంగిలో వనదేవత మోదకొండమ్మ ఆలయాన్ని ముఖ్యమంత్రి దర్శించుకున్నారు. అనంతరం గ్రామ సమీపంలో కాఫీ తోటలను పరిశీలించి, గిరిజన సంప్రదాయ వేడుకలను తిలకించారు.

దేశ రాజధాని ఢిల్లీలో పండగ సంతోషాలను చెరిపేసేలా ఒక విషాద ఘటన చోటుచేసుకుంది. ఎడతెరిపి లేకుండా కురవడంతో, హరినగర్‌లోని పాత ఆలయానికి ఆనుకుని ఉన్న ఒక భారీ గోడ అకస్మాత్తుగా కూలిపోయింది. ఈ గోడ కూలిన దుర్ఘటనలో ఇద్దరు చిన్నారులు సహా మొత్తం ఎనిమిది మంది ప్రాణాలు కోల్పోయారు.

రాష్ట్రవ్యాప్తంగా వివిధ ప్రాంతాల్లో అరకు కాఫీ కియోస్క్ ను మెప్మా ద్వారా ఏర్పాటు చేసేందుకు ఒప్పందం కుదిరింది. ఇక గిరిజన సహకార కార్పోరేషన్ ఉత్పత్తులను అమెరికా లాంటి దేశాల్లో విక్రయించేందుకుగానూ హాతీ సర్వీసెస్ ఎల్ఎల్ సీ కంపెనీతోనూ జీసీసీ ఒప్పందం చేసుకుంది. షోరూముల వద్ద అరకు కాఫీ కియోస్క్ లను ఏర్పాటు చేయాలని కూడా ఒప్పందంలో అవగాహన కుదిరింది. ప్రముఖ కార్పోరేట్ దిగ్గజం టాటా కన్స్యూమర్స్ సంస్థ కూడా ఆర్గానిక్ అరకు కాఫీని బ్రాండ్ చేసేందుకు, మార్కెట్ […]