అమెరికాలో అదృశ్యమైన భారత సంతతీకి చెందిన నలుగురు సీనియర్ సిటిజన్లు మృతి చెందారు. పశ్చిమ వర్జీనియాలోని ఓ ఆధ్యాత్మిక కేంద్రానికి వెళ్లున్న వాళ్ల కారు రోడ్డు ప్రమాదానికి గురైంది. జూలై 29న వీరి వాహనం అదృశ్యం అయింది. పెన్సిల్వేనియాలోని బర్గర్‌కింగ్ రెస్టారెంట్‌లో వీరి వాహనం చివరిసారిగా కనిపించింది. అక్కడే వాళ్లు చివరిసారిగా క్రెడిట్ కార్డును ఉపయోగించినట్లు తెలిసింది. వీరి ఆచూకీ కోసం పోలీసులు హెలికాఫ్టర్లు కూడా ఉపయోగించారు. కాగా.. ఆగస్టు 2 రాత్రి వాహనాన్ని పోలీసులు గుర్తించారు.

తెలంగాణలో కాంగ్రెస్ ప్రభుత్వ  20 నెలల అసమర్థ, అరాచక, అవినీతి పాలనకు ప్రజలు గట్టి బుద్ధి చెప్పాలని బిఆర్‌ఎస్ వర్కింగ్ ప్రెసిడెంట్ కెటిఆర్ పిలుపునిచ్చారు. తెలంగాణ భవన్‌లో ఆదివారం జరిగిన జూబ్లీహిల్స్ నియోజకవర్గం కార్యకర్తల సమావేశంలో కెటిఆర్ పాల్గొని మాట్లాడారు. తెలంగాణలోని అన్నీ వర్గాలను మోసం చేసిన కాంగ్రెస్‌కు రానున్న ఉపఎన్నికల్లో కర్రు కాల్చి వాత పెట్టాలని అన్నారు. రాహుల్ గాంధీ,  మల్లికార్జున ఖర్గే వంటి కాంగ్రెస్ అగ్ర నేతలు తెలంగాణలోని అన్ని వర్గాల ప్రజలను డిక్లరేషన్ల […]

ఏఐ సాయంతో గంటలోనే తిరుమల శ్రీవారి దర్శనం అసంభవమని వ్యాఖ్యనించిన మాజీ సీఎస్, టీటీడీ మాజీ ఈవో ఎల్వీ సుబ్రహ్మణ్యం పై టీటీడీ చైర్మన్‌ బీఆర్‌ నాయుడు అభ్యంతరం వ్యక్తం చేశారు. ఏఐ టెక్నాలజీకిస్వస్తి పలకమని చెప్పడాన్ని ఖండిస్తు న్నట్లు తెలిపారు. ఏఐ టెక్నాలజీపై అవగాహన లేకుండా మాట్లాడడం బాధాకరమని అన్నారు. టీటీడీ దాతల సహాయంతో ఉచితంగా చేస్తున్న పనిని వృథా అనడం సరికాదన్నారు. భక్తులు షెడ్లు, కంపార్ట్‌మెంట్లలో పడిగాపులు కాయడం మంచిదా అంటూ ప్రశ్నించారు.

రాష్ట్ర ప్రభుత్వం మొట్ట మొదటిసారిగా మూడు జిల్లాల్లో విద్యా శాఖ బాధ్యతలను ఐఏఎస్ అధికారులకు అప్పజెప్పింది. తొలిసారిగా ఇలా ఐఏఎస్ అధికారులకు విద్యాశాఖ అధికారులుగా అదనపు బాధ్యతలను అప్పగించడం ప్రాధాన్యతను సంతరించుకుంది. ఆదిలాబాద్ జిల్లా విద్యాశాఖ అధికారిగా జిల్లాలోని ఖుష్బూగుప్తాకు బాధ్యతలను అప్పగించారు. అటు కొమురంభీం ఆసిఫాబాద్ జిల్లా విద్యాశాఖ అధికారిగా కుమార్ దీపక్‌కు అప్పగించారు. అలాగే జనగామ జిల్లా విద్యా శాఖ అధికారిగా అదనపు కలెక్టర్ పింకేష్ కుమార్‌కు అదనపు బాధ్యతలను ప్రభుత్వం అప్పజెప్పింది.

యాదాద్రి భువనగిరి జిల్లా భువనగిరి పట్టణంలో లారీ బీభత్సవ సృష్టించింది. పట్టణంలోని జగదేవ్‌పూర్‌ చౌరస్తాలో వేగంగా దూసుకొచ్చిన లారీ అదుపుతప్పి దుకాణాల మీదికి దూసుకెళ్లింది. దీంతో ఇద్దరు అక్కడికక్కడే మృతిచెందారు. మరో ఇద్దరు తీవ్రంగా గాయపడ్డారు. ఈ ఘటనలో మూడు బైకులు ధ్వంసమయ్యాయి. క్షతగాత్రులను స్థానికులు దవాఖానకు తరలించారు. మృతుల్లో ఒకరిని రాజపేట మండలం కురారం గ్రామానికి చెందిన రామకృష్ణగా గుర్తించారు. మరొకరిని గుర్తించాల్సి ఉంది.