కాంగ్రెస్‌ పార్టీ అధికారంలోకి వచ్చిన వెంటనే దివ్యాంగులు, చేయూత ఫించన్లు పెంచుతామని హామీ ఇచ్చారు. 20 నెలలు గడిచిపోయాయి. రూపాయి పింఛను పడలేదని ఆరోపించారు. ఆగస్టు మొదటి వారంలోపు పింఛన్లు చెల్లించాలని కాంగ్రెస్‌ ప్రభుత్వానికి డెడ్‌లైన్‌ పెడుతున్నామన్నారు. ఆలోగా వారి పింఛన్‌ బకాయిలు డబ్బులు ఇవ్వకుంటే ఎమ్మార్పీఎస్‌, వీహెచ్‌పీఎస్‌ ఆధ్వర్యంలో ఆగస్టు 13న ఎల్బీ స్టేడియంలో లక్షలాది మందితో దివ్యాంగులు, చేయూత పింఛన్‌దారుల గర్జన కార్యక్రమాన్ని చేపడుతామని హెచ్చరించారు.

2022లో కాకినాడలో దళిత డ్రైవర్ వీధి సుబ్రహ్మణ్యం హత్యకు గురయ్యాడు. ఈ హత్యలో వైఎస్ఆర్‌సీపీ ఎమ్మెల్సీ అనంత బాబు ప్రధాన నిందితుడిగా ఉన్నాడు. సుబ్రహ్మణ్యం శవాన్ని అతని ఇంటి వద్ద “డోర్ డెలివరీ” చేసిన ఘటన రాష్ట్రవ్యాప్తంగా సంచలనం సృష్టించింది. ఎస్సీ, ఎస్టీ కోర్టు ఈ కేసు పునర్విచారణకు అనుమతి ఇచ్చింది. ఈ కేసును స్పెషల్ ఇన్వెస్టిగేషన్ టీమ్ (SIT) ద్వారా తదుపరి విచారణ కొనసాగించేందుకు అవకాశం కల్పించింది. ఈ విచారణలో గత వైఎస్ఆర్‌సీపీ ప్రభుత్వ హయాంలో […]

ఆంధ్రప్రదేశ్‌లో పరిపాలనా సౌలభ్యం కోసం ప్రభుత్వం కీలక నిర్ణయం తీసుకుంది. జిల్లాలు, మండలాలు, రెవెన్యూ డివిజన్లు, గ్రామాల పేర్లు, సరిహద్దుల్లో మార్పులు, చేర్పులు చేయడానికి ప్రభుత్వం చర్యలు ప్రారంభించింది. ఇందుకోసం ఏడుగురు మంత్రులతో ఒక కేబినెట్ ఉపసంఘాన్ని ఏర్పాటు చేసింది. ఈ నిర్ణయం స్థానిక ప్రజలు, ప్రజాప్రతినిధుల అభ్యర్థనల నేపథ్యంలో తీసుకున్నట్టు అధికారులు తెలిపారు. ప్రజల అభిప్రాయాలు, అభ్యంతరాలను పరిగణనలోకి తీసుకుని సమగ్రంగా అధ్యయనం చేయాలని ప్రభుత్వం భావిస్తోంది.

దేశ రాజధాని ఢిల్లీలో మరో విమాన ప్రమాదం ప్రయాణికుల్ని బెంబెలెత్తేలా చేసింది. విమానం ల్యాండింగ్ అయిన తర్వాత ఒక్కసారిగా భారీగా మంటలు చెలరేగాయి. హాంకాంగ్ నుండి ఢిల్లీకి వచ్చిన విమానం AI 315 ల్యాండ్ అయిన కొద్దిసేపటికే ఆక్సిలరీ పవర్ యూనిట్ (APU)లో మంటలు వ్యాపించాయి. అప్పటికే ప్రయాణికులు దిగిపోవడంతో పెద్ద ప్రమాదం తప్పింది. మంటలకు విమానం బాగా కాలిపోయింది. భారీగా నష్టంవాటిల్లింది. మరోవైపు.. ప్రయాణీకులు, సిబ్బంది సురక్షితంగా ఉన్నారని ఎయిర్ ఇండియా ప్రకటించింది.

కడప జిల్లా జైలులో ఎర్రచంద్రనం స్మగ్లర్లకు సెల్‌ఫోన్ల అందజేసిన కేసులో ఐదుగురు జైలు అధికారులు, సిబ్బంది సస్పెన్షన్‌కు గురయ్యారు. సెల్‌ఫోన్ల ఆరోపణలపై ఫిర్యాదులు రావడంతో డీఐజీ రవికిరణ్‌ కడపై జైల్లో నాలుగురోజుల పాటు విచారణ జరిపి ఉన్నతాధికారులకు ప్రాథమిక నివేదికను అందజేశారు. ఈ నివేదిక ప్రకారం జైలర్‌ అప్పారావు, డిప్యూటీ సూరింటెండెంట్‌ కమలాకర్‌తో పాటు మరో ముగ్గురు జైలు వార్డర్లను సస్పెన్షన్‌ చేస్తూ జైళ్లశాఖ డీజీ ఉత్తర్వులు జారీ చేశారు.