రాజ్యాంగం నుంచి లౌకిక, సోషలిస్ట్ అనే పదాలను తొలగించడం గురించి ఆర్‌ఎస్‌ఎస్ నాయకుడు దత్తాత్రేయ హోసబాలే ఒక ప్రకటన చేశారు. ఆర్‌ఎస్‌ఎస్ ముసుగు మళ్ళీ తొలగిపోయిందని కాంగ్రెస్ నాయకుడు రాహుల్ గాంధీ ఇన్‌స్టాగ్రామ్‌లో పోస్ట్ చేశారు. “రాజ్యాంగం వంటి శక్తివంతమైన ఆయుధాన్ని లాక్కోవడమే వారి నిజమైన ఎజెండా. బిజెపి-ఆర్‌ఎస్‌ఎస్‌కు రాజ్యాంగం వద్దు, వారికి మనుస్మృతి కావాలి. బహుజనులు,పేదల హక్కులను లాక్కోవడం ద్వారా వారిని మళ్ళీ బానిసలుగా చేయాలనుకుంటున్నారు” అని ఆయన అన్నారు.

ిరుద్యోగులకు స్టాఫ్ సెలక్షన్ కమిషన్ గుడ్ న్యూస్ తెలిపింది. ఒకేసారి ఏకంగా 11,908 పోస్టుల భర్తీకి నోటిఫికేషన్ విడుదల చేసింది. పదో తరగతి అర్హత ఉన్న వాళ్లు ఈ పోస్టులకు దరఖాస్తు చేసుకోవచ్చు. ఈనోటిఫికేషన్ ద్వారా మెుత్తం 11,908 మల్టీ టాస్కింగ్ స్టాఫ్(MTS),హవల్దార్ పోస్టులను భర్తీ చేయనున్నారు. ఆసక్తి కలిగిన అభ్యర్థులు జూలై 24లోపు దరఖాస్తు చేసుకోవాలి. ఇప్పటికే ఆన్‌లైన్‌లో దరఖాస్తు స్వీకరణ ప్రారంభం అయిన నేపథ్యంలో అధికారిక వెబ్ సైట్ https://ssc.gov.in/ నుంచి దరఖాస్తు చేసుకోండి.

తెలంగాణ ప్రభుత్వం జారీ చేసిన జీవో 49ను అమలు కాకుండా చూస్తామని రాష్ట్ర మంత్రి జూపల్లి కృష్ణారావు అన్నారు. ఉట్నూర్ లోని ఐటీడీఏ మీటింగ్ హాల్ లో గిరిజన పెద్దలు, అధికారులతో మంత్రి జూపల్లి శుక్రవారం సమీక్ష సమావేశం నిర్వహించారు. ఈ సందర్బంగా గిరిజనులను ఇబ్బందులకు గురిచేసే జీవో 49ను పూర్తిగా రద్దు చేయాలని ఎమ్మెల్యే లు, గిరిజన పెద్దలు డిమాండ్ చేశారు. గిరిజనులకు అన్యాయం చేసే ఏ పని ప్రభుత్వం చేయదని చెప్పారు. గిరిజనుల హక్కులు […]

ఎస్‌బీఐ సర్కిల్ బేస్డ్ ఆఫీసర్ పోస్టులకు నియామకాలు చేపట్టింది. ఈ పోస్టులకు దరఖాస్తు చేసుకున్న ఓ అభ్యర్థి అన్నింటిలో పాస్ అయ్యాడు.16మార్చి 2021న నియామక పత్రం కూడా అందుకున్నాడు. ఇంతలో ఎస్‌బీఐ అతడికి షాక్ ఇచ్చింది. సిబిల్ స్కోర్ పేలవంగా ఉండటంతో ఉద్యోగం ఇచ్చేది లేదు అని స్పష్టం చేసింది. ఎస్‌బీఐ తీసుకున్న నిర్ణయంతో కంగుతిన్న అతగాడు మద్రాస్ హైకోర్టును ఆశ్రయించాడు. అయితే ఎస్‌బీఐ నిర్ణయాన్ని హైకోర్టు సమర్థించడంతో అతడు ఉద్యోగాన్ని కోల్పోయాడు.

తమ సమస్యలపై రాష్ట్ర ప్రభుత్వం, వైద్యారోగ్య శాఖ మంత్రి స్పందించకపోవడంతో ఈ నెల 30 నుంచి ధర్నా చేపట్టనున్నట్టు తెలంగాణ జూనియర్‌ డాక్టర్ల అసోసియేషన్‌ వెల్లడించారు. స్టైఫండ్‌ చెల్లింపులో జాప్యం, మౌలిక సదుపాయాలు కల్పించకపోవడం, బోధనా సిబ్బంది కొరత, స్కాలర్‌షిప్‌, బీసీ, ఎస్సీ, ఎస్టీ, మైనార్టీ ఫీజు రీయింబర్స్‌మెంట్‌‍ చెల్లింపులో ఆలస్యంపై ప్రభుత్వానికి పలుమార్లు వినతి పత్రం అందజేసిన ఫలితం లేదన్నారు. టీ జూడాల అసోసియేషన్‌ రాష్ట్ర అధ్యక్షుడు ఇసాక్‌ న్యూటన్‌ ఓ ప్రకటన విడుదల చేశారు.

హైకోర్టులో జరిగిన లైవ్ స్ట్రీమ్‌ విచారణకు ఒక వ్యక్తి టాయిలెట్‌ నుంచి హాజరయ్యాడు. టాయిలెట్‌ సీటుపై కూర్చొన్న అతడు జూమ్ ద్వారా కోర్టు విచారణలో పాల్గొన్నాడు. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. జూన్‌ 20న గుజరాత్‌ హైకోర్టులో చెక్ బౌన్స్ కేసుపై విచారణ జరిగింది. ప్రతివాది అయిన వ్యక్తి వీడియో కాన్ఫరెన్సింగ్ ద్వారా వర్చువల్‌గా కోర్టు విచారణలో పాల్గొన్నాడు. అయితే టాయిలెట్‌లో ఉన్న అతడు అక్కడి నుంచే ‘సమద్ బ్యాటరీ’ పేరుతో జూమ్‌ […]

ఏపీ ప్రభుత్వం విజయవాడలో టూరిజం కాన్‌క్లేవ్ నిర్వహించింది. ఈ కార్యక్రమంలో ఏపీ సీఎం చంద్రబాబు, మంత్రి కందుల దుర్గేశ్, యోగా గురువు బాబా రాందేవ్ లు పాల్గొని ప్రసంగించారు. ఏపీ పర్యాటక శాఖకు సలహాదారుగా ఉండాలని ఆధ్యాత్మిక వేత్త, యోగా గురువు బాబా రామ్‌దేవ్‌ను ఏపీ సీఎం చంద్రబాబు నాయుడు కోరారు. ఆయన సమాజానికి చేస్తున్న సేవల్ని కొనియాడారు. ఏపీలో వెల్‌నెస్ సెంటర్లను ఏర్పాటు చేయాలని బాబా రాందేవ్‌ను కోరారు.

తెలంగాణ పదో తరగతి సప్లిమెంటరీ ఫలితాలను విద్యాశాఖ విడుదల చేసింది. జూన్ 3 నుంచి జూన్ 13 వరకు జరిగిన పదో తరగతి సప్లీమెంటరి పరీక్షలకు 42,834 మంది దరఖాస్తు చేసుకోగా.. 38,741 మంది విద్యార్థులు పరీక్షలకు హాజరయ్యారు. వీరిలో 28,415 మంది ఉత్తీర్ణలయ్యారు. పదో తరగతి సప్లిమెంటరీ ఫలితాల్లో 73.35 శాతం ఉత్తీర్ణత నమోదైంది. బాలురు 71.05 శాతం, బాలికలు 77 శాతం ఉత్తీర్ణత సాధించారు.