తెలంగాణ రాష్ట్రంలో ఐదు రోజుల పాటు వర్షాలు కురుస్తాయని హైదరాబాద్ వాతావరణ కేంద్రం ప్రకటించింది. మరో నాలుగు రోజుల రాష్ట్రంలోని పలు జిల్లాల్లో పాటు ఉరుములు, మెరుపులు, ఈదురు గాలులతో తేలికపాటి నుంచి మోస్తరు వర్షాలు కురిసే అవకాశం ఉందని ఎల్లో హెచ్చరికలు జారీ చేసింది. జూన్ నెలలో రెండు వారాల పాటు అధిక ఉష్ణోగ్రతలు నమోదవుతాయని, వర్షాలు అక్కడక్కడ కురుస్తాయని అంచనా వేసింది. ఈ క్రమంలో గత వారం రోజుల నుండి రాష్ట్రంలో భిన్నమైన వాతావరణ […]

పిఠాపురంలో ఇసుక మాఫియా రెచ్చిపోతున్న నేపథ్యంలో వర్మ వెల్లడించిన విషయాలు సంచలనం రేపుతున్నాయి. మల్లి వారి తోటలో ఇసుక అక్రమ తవ్వకాలను పరిశీలించిన వర్మ రాత్రి కాగానే పిఠాపురం పోలీసులకు రేచీకటి వస్తోందని పోలీసులకు స్పెషల్ గ్లాసెస్ ఇవ్వాలని అన్నారు. రమణక్కపేటలో ఇసుక అక్రమ రవాణాకు శంకుస్థాపన చేశారని వర్మ కామెంట్ చేశారు. వర్మ ఆరోపణలపై పవన్ కళ్యాణ్ ఏ విధంగా రియాక్ట్ అవుతారో చూడాల్సి ఉంది.

హైదరాబాద్‌లో రేపటి నుంచి రెండు రోజులపాటు చేప ప్రసాదం పంపిణీ చేయనున్నారు. దీని కోసం ప్రభుత్వం విస్తృత ఏర్పాట్లు చేసింది. నాంపల్లి ఎగ్జిబిషన్ గ్రౌండ్‌లో జరిగే కార్యక్రమంలో ప్రత్యేక బస్‌లు ఏర్పాటు చేశారు. మృగశిరకార్తెను పురస్కరించుకొని బత్తిన వంశస్తులు ఏటా చేప ప్రసాదం పంపిణీ చేస్తుంటారు. ఇది తరతరాలుగా వస్తున్న సంప్రదాయం. ఈ ప్రసాదం తీసుకుంటే ఆస్తమా కంట్రోల్ అవుతుందనే ప్రచారం చాలా కాలంగా ఉంది.

ప్రపంచ కుబేరుడు ఎలాన్ మస్క్‌కు చెందిన శాటిలైట్ కమ్యూనికేషన్స్ సంస్థ స్టార్ లింక్‌కు భారత్‌లో శాటిలైట్ ఆధారిత ఇంటర్నెట్ సేవలు అందించేందుకు కేంద్ర ప్రభుత్వం ఆమోదం తెలిపింది. ఈ మేరకు డిపార్ట్‌మెంట్ ఆఫ్ టెలికాం విభాగం లైసెన్స్‌ను జారీచేసింది. భారత్‌లో ఈ రకమైన లైసెన్స్ పొందిన మూడవ కంపెనీగా స్టార్‌లింక్ నిలిచింది. స్టార్ లింక్ సంస్థ తక్కువ ఎత్తులో ఉండే కక్ష్యలో ఉండే ఉపగ్రహాల ద్వారా ఇంటర్నెట్ సేవలను అందిస్తోంది. ప్రస్తుతం స్టార్‌లింక్‌కు చెందిన 6వేల శాటిలైట్లు […]

ఏపీ మంత్రి సవితమ్మకు కోపం వచ్చింది. ఏపీ బీసీ సంక్షేమ శాఖ మంత్రి సవిత.. ఇటీవల పెనుకొండలో పర్యటించారు. ఈ సందర్భంగా పెనుకొండకు చెందిన ఓ అధికారి ఆమెకు స్వాగతం పలుకుతూ బొకేను అందించారు. అయితే బొకే తీసుకున్న సవిత.. దానిని కోపంతో వెనక్కి విసిరేశారు. దీనికి సంబంధించిన వీడియోలు ప్రస్తుతం నెట్టింట వైరల్ అవుతున్నాయి. దీంతో సవిత తీరును కొంతమంది నెటిజనం తప్పుబడుతున్నారు.