పాకిస్థాన్‌కు టర్కీ మద్దతు నేపథ్యంలో ఆ దేశానికి చెందిన కంపెనీ సెలెబ్ ఏవియేషన్ భద్రతా అనుమతిని కేంద్రం రద్దు చేసింది. దీనిని సవాల్ చేస్తూ సెలెబ్ ఢిల్లీ హైకోర్టులో పిటిషన్ దాఖలు చేసింది. తాజాగా, ఈ కేసు విచారణలో ఢిల్లీ హైకోర్టు సోమవారం కీలక వ్యాఖ్యలు చేసింది. ‘పశ్చాత్తాపం కంటే జాగ్రత్తగా ఉండటం ఉత్తమం’ అని జస్టిస్ సచిన్ దత్తా వ్యాఖ్యానించారు.

దేశవ్యాప్తంగా నిరుడు ట్రాఫిక్‌ నిబంధనలు ఉల్లంఘించిన వారికి వేసిన చలాన్ల మొత్తం రూ. 12 వేల కోట్లుగా ప్రముఖ ఆటోటెక్‌ సంస్థ కార్స్‌ 24 సోమవారం పేర్కొంది. ఇందులో రూ. 9 వేల కోట్లు వినియోగదారులు చెల్లించలేదని తెలిపింది. 2024లో మొత్తంగా 8 కోట్ల చలాన్లు జారీ అయ్యాయని, ప్రతి రెండింటిలో ఒక వాహనానికి ఈ జరిమానా పడినట్టు పేర్కొంది.