ఉగ్రవాదాన్ని పెంచి పోషించే సుదీర్ఘ చరిత్ర కలిగిన పాకిస్థాన్‌ మానవాళికే ముప్పుగా మారిందని ఏఐఎంఐఎం అధ్యక్షుడు, హైదరాబాద్‌ ఎంపీ అసదుద్దీన్‌ ఒవైసీ ప్రకటించారు. ప్రపంచ దేశాలకు కేంద్ర ప్రభుత్వం పంపుతున్న అఖిల పక్ష ప్రతినిధి బృందాల సభ్యుడిగా అంతర్జాతీయ సమాజానికి తాను ఇచ్చే సందేశ సారాంశం ఇదేనని శనివారం పీటీఐ వీడియోస్‌కు ఇచ్చిన ఇంటర్వ్యూలో ఒవైసీ వెల్లడించారు.

తెలంగాణలోని ములుగు జిల్లాలో పోలీసులు నిషేధించబడిన CPI (మావోయిస్ట్) సంస్థకు చెందిన 20 మంది సభ్యులను అరెస్టు చేసారు. వీరివద్ద పెద్ద మొత్తంలో ఆయుధాలు, మందుగుండు సామగ్రిని స్వాధీనం చేసుకున్నారని అధికారులు శనివారం తెలిపారు. కర్రెగుట్ట కొండల్లో తలదాచుకున్న మావోయిస్టు కేడర్లు ‘సిఆర్ఫిఎఫ్, ఛత్తీస్‌గఢ్ పోలీసుల సంయుక్త కార్యకలాపాల కారణంగా చిన్న చిన్న గుంపులుగా చెల్లాచెదురుగా పారిపోతున్నారనే నిఘా సమాచారం మేరకు ఈ అరెస్టులు జరిగాయి.

సామాజిక వ్యవహారశైలిలో కొట్టోచ్చే మార్పు చోటు చేసుకుంది. ఈ క్రమంలో పౌరులు అత్యధిక సంఖ్యలో ఎక్కడా సత్యం వైపు నిలబడటం లేదని సుప్రీంకోర్టు ఆవేదన వ్యక్తం చేసింది. ఇది ఇప్పటి సత్యం అయితే ఇది ఆవేదనాయుతం అని ధర్మాసనం వ్యాఖ్యానించింది. 2017 లో జరిగిన భివాండి కార్పొరేటర్ (కాంగ్రెస్) మనోజ్ మహత్రే హత్యోదంతంలో కేసువిచారణ క్రమంలో ఈ వ్యాఖ్యలు వెలువడ్డాయి.