పార్లమెంట్ ఆవరణలో అరకు కాఫీ స్టాల్స్ ప్రాధాన్యత సంతరించుకొన్నాయి. అరకు కాఫీకి విస్తృత ప్రచారం కల్పించేందుకు లోక్ సభ స్పీకర్ ఓం ప్రకాష్ బిర్లా అవకాశం కల్పించడంతో.. పార్లమెంట్‌లో అరకు కాఫీ స్టాల్స్ కొలువు తీరాయి. లోక్ సభ క్యాంటీన్‌లో అరకు కాఫీ స్టాల్‌ను పార్లమెంటరీ వ్యవహారాల శాఖ మంత్రి కిరణ్ రిజిజు ప్రారంభించారు. అలాగే రాజ్యసభలోని క్యాంటీన్‌ను కేంద్ర మంత్రి పీయూష్ గోయెల్ ప్రారంభించారు. ఈ కార్యక్రమానికి టీడీపీ, బీజేపీ ఎంపీలు హాజరయ్యారు.

ర్యాంగింగ్‌ భూతానికి 2020-24 మధ్య దేశవ్యాప్తంగా యూనివర్సిటీలు, కళాశాల్లో 51 మంది విద్యార్థులు ప్రాణాలు కోల్పోయారు.సొసైటీ అగెనిస్ట్‌ వాయిలెన్స్‌ ఇన్‌ ఎడ్యుకేషన్‌ (SAVE) ఈ నివేదికను పబ్లిష్‌ చేసింది. 1,946 కాలేజీల నుంచి జాతీయ యాంటీ – ర్యాగింగ్‌ హెల్ప్‌లైన్‌కు అందిన 3,156 ఫిర్యాదులను విశ్లేషించి నివేదికను విడుదల చేసింది. ఈ రిపోర్ట్‌ ప్రకారం.. ర్యాగింగ్  మరణాలలో 45.1 శాతం వైద్య కళాశాలలు ఉండడం ఆందోళన కలిగించే అంశమని నివేదిక పేర్కొంది.