జనసేన పార్టీ ఆవిర్భావదినోత్సవ వేడుకలకు సంబంధించిన పోస్టర్ రిలీజ్ చేశారు. ఇక అక్కడి ఏర్పాట్లను మంత్రులు, పార్టీ కీలక నేతలు నాదెండ్ల మనోహర్, కందుల దుర్గేష్ దగ్గరుండి పర్యవేక్షిస్తున్నారు. శుక్రవారం పిఠాపురం నియోజకవర్గం చిత్రాడలో నిర్వహించే జయకేతనం సభకు గత కొద్దిరోజుల ముందు నుంచే భారీ ఏర్పాట్లు చేస్తున్నారు పార్టీ జనసేన నేతలు, సైనికులు, మంత్రులు. ఈసభకు ఈసారి లక్షలాది మంది వచ్చే అవకాశం ఉండటంతో భారీ సభాప్రాంగణాన్ని సిద్దం చేశారు

హర్యానా స్థానిక ఎన్నికల్లో కాంగ్రెస్‌కు ఘోర పరాజయం ఎదురైంది. మొత్తం 10 మేయర్‌ స్థానాలకు ఎన్నికలు జరుగగా, తొమ్మిదింటిలో బీజేపీ విజయం సాధించింది. మరో స్థానాన్ని ఇండిపెండెంట్‌ అభ్యర్థి కైవశం చేసుకున్నారు. కాంగ్రెస్‌ ఖాతా కూడా తెరవ లేదు. 2024 అసెంబ్లీ ఎన్నికల్లో పరాభవం పొందడంతో ఈ ఎన్నికల్లో ఎలాగైనా సత్తా చూపాలనుకున్న కాంగ్రెస్‌ పార్టీకి పూర్తి నిరాశ ఎదురైంది.

హిందీ భాషా వికాసానికి ఉద్దేశించిన కాషాయ విధానంగా జాతీయ విద్యా విధానాన్ని(ఎన్‌ఈపీ) తమిళనాడు సీఎం ఎంకే స్టాలిన్‌ అభివర్ణించారు. ప్రతిపాదిత నియోజకవర్గాల పునర్విభజన ప్రక్రియ ద్వారా ఉత్తరాది రాష్ర్టాలలో గెలుపొంది తన అధికారాన్ని నిలబెట్టుకునేందుకు బీజేపీ ప్రయత్నిస్తోందని ఆయన ఆరోపించారు. ఈ ప్రయత్నాలను డీఎంకే అడ్డుకుంటుందని ఆయన హెచ్చరించారు. తమిళనాడు విద్యా ప్రగతిని పూర్తిగా నాశనం చేసే ఎన్‌ఈపీని తాము వ్యతిరేకిస్తామని అన్నారు.