SLBC టన్నెల్ ప్రమాదం జరిగి 10 రోజులు గడుస్తున్నా.. అందులో చిక్కుకున్న 8 మంది బాధితుల ఆచూకీ మాత్రం లభించలేదు. శరవేగంగా సహాయక చర్యలు కొనసాగుతున్నా..టన్నెల్ లోపలి పరిస్థితులు ఏమాత్రం అనుకూలించడం లేదు. భారీగా పేరుకుపోయిన బుదర, నీరు తొలగిస్తున్న కొద్ది మళ్లీ వచ్చి చేరుతోంది. దీంతో 2, 3 రోజుల్లో ఆపరేషన్ నిలిపేసి ప్రత్యామ్నాయ మార్గాలు అన్వేషించాలని తెలంగాణ ప్రభుత్వం యోచిస్తున్నట్లు సమాచారం.

సామాజిక మాధ్యమాల్లో వచ్చే కంటెంట్‌ను క్రమబద్ధీకరించేందుకు ఓ యంత్రాంగాన్ని ఏర్పాటు చేయాలని కేంద్ర ప్రభుత్వానికి సుప్రీంకోర్టు సోమవారం చెప్పింది. అయితే, ఈ కంటెంట్‌పై సెన్సార్‌షిప్‌ ఉండకూడదని తెలిపింది. వాక్‌ స్వాతంత్య్రం హక్కుకు విఘాతం కలుగకూడదని స్పష్టం చేసింది. ఈ రంగంతో సంబంధం ఉన్నవారందరి సలహాలు, అభిప్రాయాలను తీసుకోవాలని సూచించింది. పాడ్‌కాస్టర్‌ రణ్‌వీర్‌ అల్హాబాదియా కేసు విచారణ సందర్భంగా ఈ ఆదేశాలిచ్చింది.