భార‌త రాజ్యాంగానికి 75 ఏళ్ల నిండాయి. ఈ నేప‌థ్యంలో కేంద్ర ప్ర‌భుత్వం .. రాజ్యాంగంపై కొత్త వెబ్‌సైట్‌ను https://constitution75.com రూపొందించింది. హ‌మారా సంవిధాన్‌, హ‌మారా స్వాభిమాన్ టైటిల్‌తో .. భారత రాజ్యాంగ గురించి ఆ సైట్‌లో పొందుప‌రిచారు. దేశ‌వ్యాప్తంగా ప్ర‌జ‌ల్లో రాజ్యాంగంపై చైత‌న్యం తీసుకువ‌చ్చేందుకు.. రాజ్యాంగ పీఠ‌క చ‌దువుకునే రీతిలో సైట్‌ను డిజైన్ చేశారు.

భార‌త రాజ్యాంగానికి 75 ఏళ్లు నిండిన సంద‌ర్భంగా ఇవాళ ఢిల్లీలో ప్ర‌త్యేక కార్య‌క్ర‌మాన్ని నిర్వ‌హించారు. ఈ సంద‌ర్భంగా రాష్ట్ర‌ప‌తి ద్రౌప‌ది ముర్ము.. 75 ఏళ్ల సంస్మ‌ర‌ణ పోస్టేజ్ స్టాంప్‌ను, ఓ నాణాన్ని రిలీజ్ చేశారు. ఉభ‌య‌స‌భ‌ల‌ను ఉద్దేశించి పార్ల‌మెంట్ సెంట్ర‌ల్ హాల్‌లో ఆమె ప్ర‌సంగించారు.  స‌మాజంలో అన్ని రంగాల కోసం, ముఖ్యంగా బ‌ల‌హీన వ‌ర్గాల సంక్షేమం గురించి ప్ర‌భుత్వం అన్ని చ‌ర్య‌లు తీసుకున్న‌ట్లు ఆమె చెప్పారు.

ప్రపంచంలోని ప్రజాస్వామ్య దేశాల్లో ఒకటైన అమెరికాలో అధ్యక్ష ఎన్నికలు ప్రారంభంకానున్నాయి. ఈసారి డెమోక్రటిక్ పార్టీ అభ్యర్థిగా కమలా హారిస్, రిపబ్లికన్ పార్టీ అభ్యర్థిగా డొనాల్డ్ ట్రంప్ పోటీ పడుతున్నారు. హోరాహోరీ పోరుతో ఉత్కంఠ నెలకొనడంతో ఎన్నికలపై యావత్ ప్రపంచం దృష్టి అమెరికా వైపే ఉంది. అమెరికా కాలమానం ప్రకారం ఉదయం 7 నుంచి 9 గంటలకు మధ్య పోలింగ్ ప్రారంభమవుతుంది.