ఒడిశా తీరప్రాంతంలో ‘దానా’ తుఫాన్‌ కారణంగా దక్షిణమధ్య రైల్వే పలు మార్గాల్లో రైళ్లను రద్దు చేసింది. మంగళవారం 41 రైళ్లను రద్దు చేయగా.. తాజాగా మరో 17 రైళ్లను రద్దు చేసినట్లు ప్రకటించింది. కొత్తగా రద్దయిన రైళ్లు గురువారం నుంచి ఈనెల 29 వరకు నిలిపివేస్తున్నట్లు సీపీఆర్‌ఓ శ్రీధర్‌ తెలిపారు.

ఏపీ ప్రభుత్వం ఎన్నికల హామీ అమలుకు నిర్ణయించింది. దీపావళి నుంచి ఉచిత గ్యాస్ సిలిండర్ల పథకం ప్రారంభం కానుంది. తాజాగా జరిగిన మంత్రివర్గ సమావేశంలో ఈ పథకం అమలు మార్గదర్శకాలు ఖరారు చేసారు. ఏటా మూడు సిలిండర్ల అందించేలా క్యాలెండర్ నిర్ణయించారు. అదే విధంగా తెల్ల రేషన్ కార్డు ప్రామాణికంగా పథకం అమలు కానుంది.