జీసీసీల‌కు గమ్యస్థానంగా ఉన్న హైదరాబాద్లో పెట్టుబ‌డులు పెట్టాలని దిల్లీలో జరిగిన అమెరికా-భారత్ వ్యూహాత్మక భాగస్వామ్య ఫోరం సదస్సులో ముఖ్యమంత్రి రేవంత్ రెడ్డి కోరారు. వచ్చే నెల 8, 9 తేదీల్లో హైదరాబాద్లో జరిగే తెలంగాణ రైజింగ్ గ్లోబల్ సమ్మిట్‌కు మల్టీ నేషనల్‌ కంపెనీల ప్రతినిధులను ఆహ్వానించారు. రోడ్లకు నేతల పేర్లు పెట్టే విధానాన్ని మార్చి హైదరాబాదులో ముఖ్యమైన రోడ్లకు గూగుల్, మెటా, టీసీఎస్, ఇన్ఫోసిస్‌ వంటి కంపెనీల పేర్లను పెడ‌తామ‌ని ముఖ్యమంత్రి రేవంత్ రెడ్డి ప్రకటించారు
