ముఖ్యమంత్రి రేవంత్ రెడ్డి స్వగ్రామమైన నాగర్‌కర్నూల్ జిల్లాలోని కొండారెడ్డిపల్లి గ్రామంలో మాజీ మావోయిస్టు మల్లేపాకుల వెంకటయ్య (అలియాస్ మోహన్) సర్పంచ్‌గా ఏకగ్రీవంగా ఎన్నికయ్యారు. మావోయిస్టు పార్టీలో మహబూబ్‌నగర్ జిల్లాలోని కల్వకుర్తి, గంగన్న, పాన్‌గల్ దళాల్లో చురుకుగా పనిచేశారు. 2001లో వెంకటయ్య కల్వకుర్తి పోలీసుల సమక్షంలో లొంగిపోయి జనజీవన స్రవంతిలో కలిశారు. ఈసారి కొండారెడ్డిపల్లి సర్పంచ్ స్థానం ఎస్సీకి రిజర్వుడు కావడంతో, ముఖ్యమంత్రి చొరవతో గ్రామస్థులు వెంకటయ్యను ఏకగ్రీవంగా ఎంపిక చేశారు. వెంకటయ్య ముఖ్యమంత్రి రేవంత్ రెడ్డి కుటుంబానికి సన్నిహితుడుగా చెబుతున్నారు.