తెలంగాణలో మున్సిపల్‌ ఎన్నికల షెడ్యూల్‌ విడుదలైంది. రాష్ట్రంలోని ఏడు నగరపాలక సంస్థలు, 116 మున్సిపాలిటీలకు ఎన్నికలు జరుగనున్నాయి. రాష్ట్ర ఎన్నికల కమిషనర్‌ రాణికుముదిని ఎన్నికల షెడ్యూల్‌ను విడుదల చేశారు. షెడ్యూల్‌ విడుదలతో తక్షణమే రాష్ట్రవ్యాప్తంగా ఎన్నికల కోడ్‌ అమల్లోకి వచ్చింది. ఈ నెల 28 వ తేదీ నుంచి నామినేషన్లు స్వీకరించనున్నారు. ఈ నెల 31వ తేదీతో నామినేషన్ల స్వీకరణకు గడవు ముగియనుంది. ఫిబ్రవరి 11న పోలింగ్‌ జరగనుంది. ఫిబ్రవరి 13న కౌంటింగ్‌ నిర్వహించి ఫలితాలను వెల్లడించనున్నారు.