భారత సినిమా రంగానికి అపారమైన సేవలందించిన బాలీవుడ్ లెజెండరీ నటుడు ధర్మేంద్ర కన్నుమూశారు. సోమవారం ఉదయం ఆయన తుది శ్వాస విడిచారు. ఆయన మరణవార్త తెలుసుకున్న పలువురు సినీ ప్రముఖులు ధర్మేంద్ర నివాసానికి చేరుకుంటున్నారు. 89 ఏండ్ల ధర్మేంద్ర గత కొన్ని రోజులుగా అనారోగ్యంతో బాధపడుతున్నారు. పది రోజుల క్రితం ముంబైలోని క్యాండి ఆస్పత్రిలో చేరి చికిత్స పొందారు ఆ తర్వాత రెండు రోజులకే ఆయన డిశ్చార్జ్‌ అయ్యారు. ఇప్పుడు మరోసారి ఆరోగ్యం క్షీణించడంతో తుది శ్వాస విడిచినట్లు బాలీవుడ్‌ మీడియా నివేదించింది.