దట్టమైన పొగమంచు రాజధాని ఢిల్లీని ఉక్కిరిబిక్కిరి చేస్తుండటంతో.. కాలుష్యంపై యుద్ధం ప్రకటించిన ఢిల్లీ ప్రభుత్వం అత్యున్నత స్థాయి నియంత్రణలైన GRAP-IV చర్యలను అమలు చేస్తోంది. దీనిలో భాగంగానే డిసెంబర్ 18వ తేదీ నుంచి కాలుష్య నియంత్రణ సర్టిఫికేట్ (PUC) లేని వాహనాలకు పెట్రోల్ బంకుల్లో ఇంధనం నిరాకరించబడుతుందని పర్యావరణ మంత్రి మంజీందర్ సింగ్ సిర్సా ప్రకటించారు. అంతేకాకుండా BS-VI ప్రమాణాల కంటే తక్కువ ఉన్న ఢిల్లీయేతర వాహనాల ప్రవేశాన్ని పూర్తిగా నిషేధిస్తున్నట్లు తెలిపారు.
