వైఎస్సార్సీపీ కార్యకర్తలు కోర్టు సమీపంలో రోడ్డుపై గుంపులుగా చేరి నినాదాలు చేశారు. ‘2029లో రప్పా రప్పా’ అంటూ రాసి ఉన్న బ్యానర్లు ప్రదర్శించారు.దీనిపై కూటమి నాయకులు ఆగ్రహం వ్యక్తం చేశారు. కోర్టు ప్రాంగణంలో జగన్, ఆ పార్టీ కార్యకర్తలు వ్యవహరించిన తీరు అతి జుగుప్సాకరమని మండిపడ్డారు. న్యాయ వ్యవస్థను హేళన చేసేలా ఉందని మంత్రి కొల్లు రవీంద్ర ఆగ్రహం వ్యక్తం చేశారు. హైదరాబాద్లో జగన్ వ్యవహరించిన తీరు అతి జుగుప్సాకరమని టీడీపీ పొలిట్ బ్యూరో సభ్యులు వర్ల రామయ్య మండిపడ్డారు.
