దేశానికి గేట్‌వేలా ఆంధ్రప్రదేశ్‌ మారుతోందని ఏపీ సీఎం చంద్రబాబు నాయుడు అన్నారు. పెట్టుబడిదారుల లక్ష్యంగా ఏపీ ఎదుగుతోందని తెలిపారు. వైజాగ్‌లో జరుగుతున్న సీఐఐ పార్టనర్‌షిప్‌ సదస్సుకు చంద్రబాబు నాయుడు హాజరయ్యారు. ప్రధాని మోదీ పాలనపై దేశ ప్రజలకు విశ్వాసం ఉందని.. 2047లోగా భారత్‌ నంబర్‌వన్‌ ఎకానమీ అవుతుందని ధీమా వ్యక్తం చేశారు. గ్రీన్‌ ఎనర్జీ వినియోగం, స్వచ్ఛాంధ్ర దిశగా వేగంగా అడుగులు వేస్తున్నామని చంద్రబాబు తెలిపారు. ఎక్కడికి వెళ్లినా ఐటీలో మనవాళ్లే ముందుంటున్నారని పేర్కొన్నారు.
