సెప్టెంబర్ 17న మొహాలీలో ఆస్ట్రేలియాతో జరిగిన రెండవ వన్డే మ్యాచ్‌లో భారత మహిళల జట్టు ఓపెనర్ స్మృతి మంధాన అద్భుతమైన ప్రదర్శనతో  కేవలం 77 బంతుల్లోనే సెంచరీ సాధించి, భారత మహిళా క్రికెట్‌లో రెండవ ఫాస్టెస్ట్ వన్డే సెంచరీని తన పేరున లిఖించుకుంది. ఈ అద్భుతమైన ఇన్నింగ్స్‌తో, స్మృతి మంధాన ఒక క్యాలెండర్ సంవత్సరంలో భారత మహిళా బ్యాటర్ అత్యధిక పరుగులు చేసిన రికార్డును అధిగమించింది. ఈ సెంచరీతో ఆమె ఆస్ట్రేలియాపై అత్యధిక వన్డే సెంచరీలు సాధించిన ఆసియా బ్యాటర్‌గా నిలిచింది.