ఇండిపెండెంట్‌ థర్డ్‌ పార్టీ ద్వారా దేశంలోని అన్ని వైద్య కళాశాలల్లో పరిశీలన చేయించి వాటికి అధికారిక గుర్తింపు(అక్రిడియేషన్‌), రేటింగ్‌ ఇవ్వాలని జాతీయ వైద్య కమిషన్‌ (ఎన్‌ఎంసీ) నిర్ణయించింది. ఇందుకు సంబంధించి మెడికల్‌ అసెస్‌మెంట్‌, రేటింగ్‌ బోర్డ్‌ రూపొందించిన మొత్తం 11 ప్రమాణాలు, 78 పారామితులతో ఒక ముసాయిదాను విడుదల చేసింది. వైద్య కళాశాలలు అత్యున్నత ప్రమాణాలు సాధించడం కోసం అవి జవాబుదారీతనం, నిబద్ధతతో పనిచేసేలా చేసేందుకు రేటింగ్‌ విధానాన్ని ప్రవేశపెట్టనున్నట్టు ఎన్‌ఎంసీ అధ్యక్షుడు గంగాధర్‌ తెలిపారు.
