మహాత్మా గాంధీపై అనుచిత వ్యాఖ్యలు చేసిన సినీ నటుడు శ్రీకాంత్ అయ్యంగార్‌పై కాంగ్రెస్ ఎమ్మెల్సీ బల్మూరి వెంకట్ శనివారం పోలీసులకు (సిసిఎస్) ఫిర్యాదు చేశారు. అనంతరం ఆయన మీడియాతో మాట్లాడుతూ శ్రీకాంత్‌పై చట్టపరమైన చర్యలు తీసుకోవాలని కోరారు. ‘మా’ అసోసియేషన్ సభ్యత్వం నుంచి నటుడు శ్రీకాంత్‌ను తొలగించాలని ఆయన డిమాండ్ చేశారు.సినిమాటోగ్రఫీ మంత్రితో పాటు ‘మా’ అసోసియేషన్‌కు, చిత్ర పరిశ్రమ అభివృద్ధి సంస్థకూ ఫిర్యాదు చేస్తామని ఆయన తెలిపారు. రాష్ట్ర వ్యాప్తంగా అన్ని పోలీసు స్టేషన్లనో కార్యకర్తలు ఫిర్యాదు చేస్తారని ఆయన చెప్పారు.
