క‌న్న‌డ స్టార్ న‌టుడు యశ్‌ హీరోగా, మహిళా దర్శకురాలు.  గీతూ మోహన్‌దాస్‌ దర్శకత్వంలో తెరకెక్కుతోన్న ‘టాక్సిక్‌’ చిత్రం ప్ర‌స్తుతం వివాదంలో చిక్కుకుంది. ఈ సినిమా టీజ‌ర్‌లో అశ్లీలత‌తో పాటు అభ్యంతరకర సన్నివేశాలు ఎక్కువ‌గా ఉన్నాయంటూ ఆమ్ ఆద్మీ పార్టీ (AAP) నేతలు కర్ణాటక రాష్ట్ర మహిళా కమిషన్‌కు ఫిర్యాదు చేశారు. టీజర్‌లోని దృశ్యాలు పిల్లల మానసిక ఆరోగ్యంపై ప్రతికూల ప్రభావం చూపేలా ఉన్నాయని, తక్షణమే ఈ టీజర్‌ను సామాజిక మాధ్యమాల నుంచి తొలగించాలని డిమాండ్ చేశారు.