హైదరాబాద్లోని కాచిగూడ పోలీస్ స్టేషన్ పరిధిలోని సుందర్ నగర్లో శుక్రవారం ఘోర అగ్నిప్రమాదం జరిగింది. ఒక ఇంట్లో ఏసీలో ఒక్కసారిగా షార్ట్ సర్క్యూట్ సంభవించి పేలడంతో మంటలు వేగంగా వ్యాపించాయి. ఈ ప్రమాదంలో ఓ చిన్నారి మంటలు అంటుకోవడంతో.. అక్కడికక్కడే మృతి చెందగా, మరో బాలుడు తీవ్రంగా గాయపడ్డాడు. గాయపడిన బాలుడిని స్థానికులు ఆసుపత్రికి తరలించగా.. ప్రస్తుతం అతని పరిస్థితి విషమంగా ఉన్నట్లు తెలుస్తోంది. సమాచారం అందుకున్న అగ్నిమాపక సిబ్బంది మంటలను అదుపు చేశారు.
