నక్కపల్లి ఏపీఐఐసీ సెజ్‌లో అర్సెల్లార్‌ మిట్టల్‌ నిప్పాన్‌ స్టీల్‌ ఇండియా లిమిటెడ్‌ ఆధ్వర్యంలో స్టీల్‌ ప్లాంట్‌ ఏర్పాటుకు రాష్ట్ర ప్రభుత్వం గ్రీన్‌సిగ్నల్ ఇచ్చింది. నిర్మాణ పనులకు ఎటువంటి అడ్డంకులు లేకుండా నిర్దేశిత సమయంలో పూర్తి చేసేందుకు సహకరించాలని సీఎం చంద్రబాబు అధికారులను ఆదేశించారు.లేటెస్ట్‌గా ఆర్సెలర్‌ మిట్టల్‌ స్టీల్స్‌కు క్యాప్టివ్‌ పోర్ట్‌ కేటాయిస్తూ ప్రభుత్వం జీవో జారీ చేసింది. మొదటి దశలో రూ.55,964 కోట్ల పెట్టుబడితో ఏటా 7.3 మిలియన్‌ టన్నుల ఉక్కును ఉత్పత్తి చేసే ప్లాంట్‌ను నిర్మించనున్నారు.

రాష్ట్రంలోని అ న్ని వాహనాలకు హైసెక్యూరిటీ నెంబర్ ప్లేట్లను తప్పనిసరి చేసింది. ఇకపై రోడ్డుపైకి వచ్చే వాహనాలకు హైసెక్యూరిటీ నెంబర్ ప్లేటు కచ్చితంగా ఉండాలని ప్రభుత్వం ఆదేశించింది. ఈ మేరకు బుధవారం రాత్రి అధికారికంగా ఉత్తర్వులు జా రీ చేసింది. 2019 ఏప్రిల్ 1వ తేదీకి ముందు రి జిస్టరైన అన్ని వాహనాలకు హైసెక్యూరిటీ నెం బర్లు ప్లేట్లు లేకపోతే బండి సీజ్ చేయడంతో పా టు కేసులు నమోదు చేస్తామని రవాణా శాఖ హె చ్చరించింది.

రిజిస్ట్రేషన్‌ స్లాట్‌ బుకింగ్‌ విధానం సబ్‌ రిజిస్ట్రార్‌ కార్యాలయంలో రాష్ట్రవ్యాప్తంగా అమలు చేసేందుకు ప్రభుత్వం నిర్ణయం తీసుకొంది. ఇందుకోసం ప్రత్యేకంగా సాఫ్ట్‌వేర్‌ రూపొందించింది. ప్రస్తుతం రిజిస్ట్రేషన్‌ ఆఫీసుల్లో స్లాట్‌, నాన్‌ స్లాట్‌ విధానం అమలులో ఉంది. అయితే ఇక నుంచి స్లాట్‌ బుకింగ్‌ను తప్పనిసరి చేసింది రాష్ట్ర ప్రభుత్వం. స్లాట్‌ బుకింగ్‌ విధానం పైలట్‌ ప్రాజెక్టుల్లో విజయవంతమైతే రాష్ట్రవ్యాప్తంగా అన్ని సబ్‌ రిజిస్ట్రార్‌ కార్యాలయాల్లో అమలు చేయనున్నారు. దీని వల్ల క్రయ, విక్రయదారులు గంటల తరబడి వేచి […]